ទីភ្នាក់ងារ Park Seo Joon ឆ្លើយតបមិនច្បាស់លាស់ជុំវិញព័ត៌មានណាត់ជួបជាមួយ Xooos

នៅថ្ងៃទី២០ ខែមិថុនា ឆ្នាំ២០២៣ មានសេចក្តីរាយការណ៍ថា តារាសម្តែង Park Seo Joon កំពុងណាត់ជួបជាមួយ YouTuber និងតារាចម្រៀង Xooos ដែលព័ត៌មាននេះបានបង្កការចាប់អារម្មណ៍យ៉ាងខ្លាំងពីទស្សនិកជន។

តាមពិតវាមិនមែនជាដំណឹងថ្មីប៉ុន្មានទេសម្រាប់ Park Seo Joon និង Xooos ព្រោះកាលពីខែមុន ប្រព័ន្ធផ្សព្វផ្សាយព័ត៌មានរបស់ JTBC ធ្លាប់អះអាងថា តារាទាំងពីរបានណាត់ជួបគ្នា ដោយគេចាប់បាន​ទំនាក់ទំនង​ពិសេសមួយចំនួនរវាងពួកគេដូចជា ការ​ណែនាំ​មិត្តភក្តិ​ជិតស្និទ្ធ​ឱ្យ​គ្នា​ទៅវិញទៅមក​ និងការ​ធ្វើ​លំហាត់​ប្រាណ​ជាមួយ​គ្នាញឹកញាប់។

ទើបតែថ្មីនេះៗស្រាប់តែអ្នក​និយម​លេង​អ៊ីនធឺរណិត​ម្នាក់​បាន​ចែក​រំលែក​រូបថត​អ្នក​ទាំង​ពីរ​ជាមួយ​មិត្ត​ភក្តិ​របស់​ពួក​គេ​ទៅ​កាន់​សហគមន៍​អនឡាញ​ ហើយក៏ផ្ទុះចំណាប់អារម្មណ៍ពេញបណ្ដាញសង្គមតែម្ដង។ បន្ទាប់ដំណឹងនៃការណាត់ជួប បាននិងកំពុងផ្ទុះការវែកញែក ទីភ្នាក់ងាររបស់ Park Seo Joon បានឆ្លើយតបនឹងព័ត៌មាននេះទាំងមិនច្បាស់លាស់ថា “វាពិតជាពិបាកក្នុងការបញ្ជាក់ព័ត៌មានអំពីជីវិតផ្ទាល់ខ្លួនរបស់តារាសម្ដែងយើង” ។ ចម្លើយនេះ បានធ្វើឱ្យអ្នកគាំទ្រកាន់តែប្រាកដចិត្តថា ពាក្យចចាមអារ៉ាមណាត់ជួបគ្នា គឺជារឿងពិត។

ទោះយ៉ាងណា មកទល់ពេលនេះ សាមីខ្លួនទាំងពីរពុំមាននរណាចេញមកបញ្ជាក់មន្ទិលសង្ស័យរបស់ទស្សនិកជន ឬបកស្រាយពាក្យចចាមអារ៉ាមណាត់ជួបរវាងពួកគេឡើយ៕

ប្រែសម្រួល៖ សន្យា

ចុចអាន៖ អ្នកគាំទ្រមិនពេញចិត្ត ក្រោយ Squid Game វគ្គ២ បង្ហាញមុខតួថ្មី ៤នាក់