ជីវិតកម្សាន្ដ

ផ្ទុះការវែកញែក ក្រោយស្ថាបនិក Miss Grand ចេញច្បាប់តឹងរ៉ឹង ៦ ចំណុចហាមអ្នកគាំទ្រដាច់ខាត

បានផុស

២ years មុន

នៅ

ថ្ងៃពុធ ២១ មិថុនា ២០២៣

ដោយ

លោក Nawat Itsaragrisil ជាស្ថាបនិក Miss Grand បានចេញច្បាប់ថ្មីរវាងអ្នកគាំទ្រនិងរាជិនីសម្រស់ដាច់ខាតមិនឲ្យមានការបង្កភាពរញ៉េរញ៉ៃណាមួយទេ ខណៈមហាជនជាច្រើនហាក់មិនពេញចិត្តសូម្បីតែបន្តិចណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១៩ខែមិថុនា នៅលើទំព័រហ្វេសប៊ុក Miss Grand Thailand បានបង្ហោះសេចក្តីប្រកាសអំពីច្បាប់យ៉ាងតឹងរឹង ដោយមានច្បាប់ចំនួន ៦ រវាងអ្នកគាំទ្រ និងអ្នកសិល្បៈក្រោមការគ្រប់គ្រងរបស់ Miss Grand មានដូចតទៅ ៖

១ អ្នកគាំទ្រមិនត្រូវបានអនុញ្ញាតយ៉ាងតឹងរ៉ឹងក្នុងការផ្តល់អំណោយឬសំបុត្រដល់សិល្បករ។ លុះត្រាតែមានការអនុញ្ញាតពីទីភ្នាក់ងារ។ ឧទាហរណ៍ ជួប និង ស្វាគមន៍។

២ ហាមអ្នកគាំទ្រ អ្នកខាងក្រៅថតរូបជាគូ សុំហត្ថលេខា ឬប៉ះអ្នកសិល្បៈច្រើនពេក ដែលនាំឲ្យមានការធុញទ្រាន់ឬហត់នឿយ ឈានដល់គ្មានសណ្ដាប់ធ្នាប់។

៣ ការប្រើប្រាស់ឡូហ្គោ រូបភាពវិចិត្រករ រូបភាព SILHOUETTE រូបភាពសិល្បៈអ្នកគាំទ្រ មិនត្រូវបានអនុញ្ញាតឲ្យប្រើដើម្បីធ្វើផលិតផលណាមួយឡើយ (មិនថាចែក ឬលក់)។

៤ ការធ្វើគម្រោងណាមួយជាមួយសិល្បករមិនត្រូវបានអនុញ្ញាតដោយគ្មានការយល់ព្រមជាលាយលក្ខណ៍អក្សរពីទីភ្នាក់ងារនោះទេ។

៥ មិនអនុញ្ញាតិឲ្យកែកែសម្រួលវីដេអូឬរូបភាពដើម្បីបង្ហោះក្នុង Channel ផ្ទាល់ខ្លួនឡើយ បើធ្វើឃ្លិប ប្រតិកម្ម និងសង្ខេបឡើងវិញ ត្រូវធ្វើតាមការណែនាំរបស់ក្រុមហ៊ុនដាច់ខាត។

៦ អ្នកគាំទ្រមិនត្រូវបានអនុញ្ញាតឲ្យដាក់អន្ទាក់ និងតាមដានសិល្បករទៅកាន់លំនៅដ្ឋានរបស់ពួកគេ។

យ៉ាងណាមិញក្រោយសេចក្ដីប្រកាសនេះបានបង្ហោះជាសាធារណៈមក ធ្វើឲ្យអ្នកគាំទ្រសម្រស់ជាច្រើនបានចូលមកបញ្ចេញមតិ ហើយមនុស្សខ្លះយល់ស្រប និងមិនយល់ស្របនឹងចំណុចមួយចំនួនដោយគិតថាក្រុមហ៊ុន Miss Grand ហាក់លំអៀង និងធ្វើច្បាប់បែបនេះអាចនឹងធ្វើឲ្យទស្សនិកជនណាយចិត្តឈប់បន្តគាំទ្រទៅវិញទេ៕