ជីវិតកម្សាន្ដ

BTS ចូលបម្រើកងទ័ព! តើ BLACKPINK នឹងគ្រប់គ្រងឧស្សាហកម្មតន្ត្រី Kpop ទេ?

បានផុស

២ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

ថ្មីៗនេះ ប្រព័ន្ធផ្សព្វផ្សាយកូរ៉េបានរាយការណ៍ក្នុងពេលដំណាលគ្នាថា សមាជិកដែលនៅសល់របស់ BTS នឹងចូលបម្រើកងទ័ពរហូតដល់ចុងឆ្នាំ ២០១២៣។ នេះគឺជាព្រឹត្តិការណ៍ដ៏ធំមួយដែលជះឥទ្ធិពលដល់ឧស្សាហកម្មតន្ត្រីកូរ៉េ នៅពេលដែលបច្ចុប្បន្នក្រុមកំពូលនេះស្ថិតក្នុងស្លាកថាសកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ព្រឹត្តិការណ៍នេះបានទាក់ទាញមតិជាច្រើនពីសហគមន៍អនឡាញ។ សំណួរភាគច្រើនដែលសួរគឺនៅពេលដែល BTS ចូលបម្រើកងទ័ព តើមានក្រុមណាអាចធ្វើអព្ភូតហេតុសម្រាប់ឧស្សាហកម្ម Kpop ដូចក្រុមទាំង ៧នាក់ធ្លាប់ធ្វើឲ្យពិភពលោកងាកមើលតន្ត្រីកូរ៉េខាងត្បូង។

នៅពេលនេះ BLACKPINK ត្រូវបានប្រព័ន្ធផ្សព្វផ្សាយកូរ៉េព្យាករណ៍ថា ជាឈ្មោះដែលអាចជំនួសតំណែងរបស់ BTS ។ ជាទូទៅ ឧស្សាហកម្ម Kpop បច្ចុប្បន្នមិនខ្វះក្រុមដែលមានទេពកោសល្យនោះទេ ប៉ុន្តែដើម្បីឈានទៅដល់កម្រិតដែលពិភពលោកទទួលស្គាល់ វាអាចមានតែ BTS និង BLACKPINK ប៉ុណ្ណោះ។

ដោយឡែក ទំព័រ YTN News បាននិយាយថា ប្រសិនបើ BTS ពិតជាចូលបម្រើការងារមែន នេះគឺជាឱកាសមាសសម្រាប់ក្រុមផ្សេងទៀតដើម្បីឡើងដល់កំពូល ហើយបេក្ខភាពលេខ១ បច្ចុប្បន្នគឺគ្មាននរណាក្រៅពី BLACKPINK នោះទេ។

YTN News បានបញ្ចេញមតិថា “BLACKPINK មានអត្តសញ្ញាណតន្ត្រីផ្ទាល់ខ្លួន ច្បាស់ និងប្លែក។ នៅ BLACKPINK យើងអាចមានអារម្មណ៍ថាមានទំនុកចិត្ត ការអភិវឌ្ឍន៍អន្តរជាតិ។ ពួកគេច្រៀងបានល្អ រាំបានល្អ ហើយសំខាន់បំផុតគឺការស្រលាញ់របស់ទស្សនិកជន”។

ទោះយ៉ាងណាក៏ដោយ ក្នុងអំឡុងខែសីហា ដល់ខែកញ្ញា ឆ្នាំ ២០២២ BLACKPINK បានវ៉ាដាច់ BTS ដើម្បីកាន់កាប់តំណែងកំពូលក្នុងតារាងតម្លៃម៉ាក។ នេះជាលទ្ធផលដែលសមាជិកទាំង ៤ សុទ្ធតែជាមុខមាត់របស់ម៉ាកយីហោធំៗទូទាំងពិភពលោក។ កម្រិតសកលរបស់ BLACKPINK មិនត្រឹមតែផ្អែកលើចំនួន MV និងតន្ត្រីឌីជីថលប៉ុណ្ណោះទេ ប៉ុន្តែឥឡូវនេះត្រូវបានបញ្ជាក់ដោយការលក់សំបុត្រ បន្ទាប់ពីការប្រគំតន្ត្រីទេសចរណ៍ពិភពលោក BORN PINK បានសាយភាយពិភពលោកនាពេលថ្មីៗនេះ។

យោងតាមស្ថិតិ Touring Data បញ្ចាក់ថាដំណើរទេសចរណ៍ពិភពលោក BORN PINK បានក្លាយជាដំណើរទេសចរណ៍ដែលរកចំណូលបានខ្ពស់បំផុតក្នុងប្រវត្តិសាស្ត្រជាផ្លូវការសម្រាប់ក្រុម។

ទន្ទឹមនឹងនេះដែរ BORN PINK រកចំណូលបាន ៧៨.៥ លានដុល្លារ ជាមួយនឹងសំបុត្រចំនួន ៣៦៦,០០០ សម្រាប់កម្មវិធីចំនួន ២៦ ។ យោងតាមទិន្នន័យដែលបានធ្វើបច្ចុប្បន្នភាពរហូតមកដល់ពេលនេះ ការប្រគំតន្ត្រីទេសចរណ៍ពិភពលោក BORN PINK បាននាំឲ្យ BLACKPINK រកចំណូលបានជាង ១០០លានដុល្លារ។

កន្លងមក BLACKPINK ក៏បានកត់ត្រាប្រវត្តិនៃការក្លាយជាសិល្បករអាស៊ីដំបូងគេដែលទទួលតួនាទីជា Headliner ក្នុងមហោស្រពតន្ត្រីសកល Coachella 2023។ គេអាចឃើញថាអាជីពរបស់ BLACKPINK កំពុងតែឈានទៅមុខយ៉ាងខ្លាំងនៅក្នុងទីផ្សារតន្ត្រីអន្តរជាតិ។ BLACKPINK នៅពេលនេះ មានគុណសម្បត្តិច្រើនណាស់ ដើម្បីបន្តក្លាយជាក្រុម Kpop លេខ ១ នាពេលខាងមុខ។ មិនត្រឹមតែប៉ុណ្ណោះ បទចម្រៀងរបស់ BLACKPINK នាពេលថ្មីៗនេះ គឺផ្តោតលើសហគមន៍ ជំនួសឲ្យការផ្តោតលើការអភិវឌ្ឍន៍អារម្មណ៍របស់សិល្បករ។ BORN PINK គឺជាភ័ស្តុតាងច្បាស់បំផុតនៃរឿងនេះ នៅពេលដែលអាល់ប៊ុមនេះបានបង្កើតសមិទ្ធិផលគួរឲ្យចាប់អារម្មណ៍ជាបន្តបន្ទាប់នៅក្នុងទីផ្សារអន្តរជាតិ។

ដូច្នេះនៅពេលដែល Kpop អវត្តមានពី BTS រយៈពេលយូរ វានឹងចាំបាច់ត្រូវមានឈ្មោះដើម្បីរក្សាកម្ដៅនៃទីផ្សារតន្ត្រីនៅលើពិភពលោក។ ហើយឥឡូវនេះ ក្រៅពី BLACKPINK ប្រហែលជាគ្មាននរណាម្នាក់វ៉ាជែងបាននោះទេ៕