ជីវិតកម្សាន្ដ

មួយឈុតសាមញ្ញៗរបស់ Aum ចេញក្រៅជាមួយមិត្ត តម្លៃសុទ្ធតែខ្ទង់ពាន់ដុល្លារ

បានផុស

២ years មុន

នៅ

ថ្ងៃសុក្រ ២៣ មិថុនា ២០២៣

ដោយ

មួយរយៈចុងក្រោយនេះ តារាសម្ដែងជួរមុខ Aum Patchrapa កម្រទទួលការងារ មិនសូវចេញមុខតាមប្រព័ន្ធផ្សព្វផ្សាយ និងបញ្ចេញមុខក្នុងព្រឹត្តិការណ៍នានា ដូចពីមុននោះទេ។ ជាពិសេសសូម្បីតែចេញទៅជួបជុំមិត្តភ័ក្ដិក៏នាងហាក់ស្ងប់ស្ងាត់មួយរយៈ ដោយសារនាងចំណាយពេលស្ទើរពេញមួយជីវិតនៅផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែថ្មីៗនេះ រៀមច្បង Aum Patchrapa ស្រាប់តែបង្ហាញមុខលើបណ្ដាញសង្គមអ៉ិនធើណេត ក្នុងរូបភាពជាមួយក្រុមមិត្តភក្តិអភិជន និងបានសរសេរបញ្ជាក់ខេបសិនថា “ចេញមករកមិត្ត”។

យ៉ាងណាមិញ ក្នុងព្រឹត្តិការណ៍ជាមួយមិត្តស្និទ្ធស្នាល តារាស្រីរូបនេះ ស្លៀកឈុតវែងធម្មតា ប៉ុន្តែមហាជនជាច្រើនសឹងតែមិនជឿថារ៉ូបសាមញ្ញរបស់នាងតាមពិតគឺជាម៉ាកល្បីៗ ដែលមានតម្លៃដល់ទៅ ៥៥,០០០ បាត(១,៥៦១ដុល្លារ) ប៉ុន្តែអ្វីដែលកាន់តែពិសេសនោះគឺកាបូបតូចពីម៉ាកល្បី ខណៈតម្លៃគឺខ្ពស់ជាង ៩៦,០០០បាត (២,៧២៥ដុល្លារ)ឯណោះ។

ទោះយ៉ាងណាក៏ដោយ តាមរយៈការបង្ហាញសម្ភារៈនិយមរបស់ Aum Patchrapa ក៏មិនមែនជាលើកទីមួយរបស់តារាសម្ដែងរូបនេះដែរ។ ជាធម្មតាឲ្យតែចេញក្រៅផ្ទះជួបជុំមិត្ត ឬមនុស្សជិតស្និទ្ធនាងតែងបង្អួតលើបណ្ដាញអ៉ិនធើណេតជាញយដង៕