ជីវិតកម្សាន្ដ

កីឡាករគុនខ្មែរ ព្រំ សំណាង ចុះកុងត្រា ២ ឆ្នាំ បន្ថែមអាជីពជាតារាចម្រៀង

បានផុស

២ years មុន

នៅ

ថ្ងៃសុក្រ ២៣ មិថុនា ២០២៣

ដោយ

អ្នកគាំទ្រ និងប្រើប្រាស់បណ្ដាញសង្គមមានការភ្ញាក់ផ្អើល ខណៈសុខៗស្រាប់តែមានការទម្លាយដំណឹងថា កីឡាករគុនខ្មែរដ៏ល្បីឈ្មោះគឺ លោក ព្រំ សំណាង បានចុះកុងត្រារយៈពេល ២ ឆ្នាំ បន្ថែមអាជីពជាតារាចម្រៀងនៅក្នុងផលិតកម្មមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះដំណឹងនៃការប្រកាសបន្ថែមអាជីពច្រៀងពីសំណាក់កីឡាករ ព្រំ សំណាង បានកំពុងធ្វើឲ្យអ្នកគាំទ្រចាប់អារម្មណ៍គ្រប់ៗគ្នា ខណៈមានការសួរនាំ និងចង់ដឹងថាតើជាការពិតឬយ៉ាងណា?

ផេកឈ្មោះ «Bong Plerng Media» បានអះអាងថា កីឡាករ ព្រំ សំណាង ពិតជាបានចុះកុងត្រារយៈពេល ២ ឆ្នាំ ដើម្បីបន្ថែមអាជីពក្លាយជាតារាចម្រៀងពិតប្រាកដមែន។

ពីមុនហើយឥឡូវខុសគ្នាឆ្ងាយណាស់ នេះហើយការតស៊ូ ព្យាយាម មិនបោះបង់ ធ្វើឲ្យសម្រេចដូចក្ដីបំណង។ ក្រៅពីប្រកាសស្វាគមន៍តារាចម្រៀងថ្មីចូលមកកាន់មហាគ្រួសារ Bong Plerng Media រួមទាំងស្នើឲ្យបងប្អូនជួយឲ្យកម្លាំងចិត្តបន្ថែមទៀតនោះ ប្រភពដដែលបានលើកឡើងថា ការចាប់អាជីពចម្រៀងបន្ថែមនេះគឺជាការសម្រេចក្តីបំណងរបស់កីឡាករព្រំ សំណាង ដែលពីមុនធ្លាប់កម្សត់ និងវេទនា។

ដោយឡែកកីឡាករលោក ព្រំ សំណាង ក៏បញ្ជាក់ដែរថា ដោយសារតែការស្រលាញ់វិស័យចម្រៀងទើបលោកឆ្លៀតពេលទំនេរមកហាត់សមបទចម្រៀងបន្ថែម។ ប៉ុន្តែ លោកក៏បានស្នើទៅកាន់មហាជនដែរថា កុំខឹង ឬស្អប់រូបលោក ព្រោះលោកគ្រាន់តែឆ្លៀតពេលដើម្បីបំពេញក្តីស្រមៃប៉ុណ្ណោះ ចំណែកវិស័យកីឡា គឺលោកនៅហាត់សមឲ្យខ្លាំងដដែល៕