បណ្ដើរគ្នាចេញក្រៅញឹក ហ្វេនសង្ស័យទំនាក់ទំនង Tono និង Nychaa អាចលើសពីមិត្ត

តារាសម្ដែង និងចម្រៀង Tono Phakin ត្រូវបានអ្នកគាំទ្រដាក់ការសង្ស័យថា កំពុងភ្ជាប់ទំនាក់ទំនងពិសេសលើសពីមិត្តជាមួយតារាសម្ដែង Nychaa Nuttanicha ក្រោយប្រទះឃើញតារាទាំងពីរបណ្ដើរគ្នាចេញក្រៅញឹកញាប់។

បន្ទាប់ពីឧស្សាហ៍ចេញញ៉ាំអាហារខាងក្រៅជាមួយគ្នា ប្រិយមិត្តពិតជាមិនអាចមិនសង្ស័យនោះទេថា Tono និង Nychaa អាចដើរលើសបន្ទាត់មិត្តភក្តិ ដោយពួកគេកំពុងបង្កាត់ភ្លើងស្នេហ៍នឹងគ្នាជាក់ជាមិនខាន។

មិនឱ្យប្រិយមិត្តមន្ទិលសង្ស័យយូរ Tono បានចេញមកនិយាយប្រាប់អ្នកកាសែតនៅក្នុង​កម្មវិធី​ប្រគល់​រង្វាន់ MAYA TV AWARDS 2023 អំពីព័ត៌មានចចាមអារ៉ាមរបស់ខ្លួន និង Nychaa យ៉ាងច្បាស់តែម្ដង។

តារាប្រុសវ័យ ៣៦ឆ្នាំរូបនេះ បញ្ជាក់ថា រវាងលោក និង Nychaa ត្រឹមតែជាមិត្តប៉ុណ្ណោះ។ ចំណែករឿងដែលថា តែងតែឃើញលោកបណ្ដើរ Nychaa ចេញក្រៅ មិនមានអ្វីប្លែកនោះទេ ព្រោះលោកនិងនាងស្និទ្ធស្នាលយូរឆ្នាំមកហើយ ពេលនាងមិនសប្បាយចិត្តលោកបបួលនាងចេញក្រៅ ហើយពេលលោកមិនសប្បាយចិត្តនាងក៏តែងតែកំដរលោកមិនដែលខាន។ ដូចកាលពីពេលលោក ហែលទឹកទន្លេមេគង្គ ដើម្បីរៃអង្គាសប្រាក់សប្បុរសធម៌អ៊ីចឹង Nychaa នៅចាំគាំទ្រ និងលើកទឹកចិត្តលោកជានិច្ច។

Tono និយាយថា “ពេល​គាត់ធ្វើ​ការស្មុគស្មាញ ​វិធី​លួង​ចិត្ត​ដ៏ល្អ ​គឺ​នាំ​គាត់ទៅ​ញ៉ាំ​អាហារ​ឆ្ងាញ់ៗ។ បន្ទាប់ពីជជែកគ្នា ពួកយើងទាំងពីរបានលើកទឹកចិត្តគ្នាទៅវិញទៅមក” អ្នកទាំងពីរគ្មានទំនាក់ទំនងអ្វីពិសេសលើសពីមិត្តឡើយ៕

ប្រែសម្រួល៖ សន្យា

ចុចអាន៖ លើកដំបូង Got ចេញមុខនិយាយជាសាធារណៈ ក្រោយ Bow ចូលខ្លួនកាន់ព្រះធម៌

ចុចអាន៖ តារាសិចស៊ី Kratae និយាយថា ឈុតស្រើបស្រាលរាំលើទឹក ប៊ិះតែនឹងបាត់បង់ជីវិត