ស្រីស្អាត លីវ ជីលី សុំការលើកទឹកចិត្តពីអ្នកគាំទ្រមុនចេញទៅប្រកួតលើឆាកអន្តរជាតិ

ស្រីស្អាត លីវ ជីលី បន្ទាប់ពីក្លាយជាម្ចាស់មកុដ Miss Supranational Cambodai2023 ពេលនេះនាងបាននឹងកំពុងត្រៀមខ្លួនរួចជាស្រេចដើម្បីតំណាងឲ្យកម្ពុជាចេញទៅប្រកួតលើឆាកអន្តរជាតិ។ បើតាមការបញ្ជាក់បវរកញ្ញាតំណាងកម្ពុជារូបនេះ នឹងត្រូវចេញតំណើរនៅវេលាម៉ោង៤និង៣០នាទីល្ងាចថ្ងៃទី២៥ ខែមិថុនា ឆ្នាំ២០២៣នេះ។

ប្រាកដណាស់ លីវ ជីលី គឺជាបវកញ្ញាតំណាងកម្ពុជាដែលត្រូវបានជ្រើសរើសចូលរួមក្នុងការប្រកួតលើឆាកអន្តរជាតិក្នុងវេទិការ Miss Supranational 2023 នៅប្រទេសប៉ូឡូញនាឆ្នាំនេះ។ ការចេញទៅប្រកួតនេះនឹងនាំយកប្រទេស​កម្ពុជាទង់ជាតិរបស់កម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជាទៅបង្ហាញនៅលើឆាកនអន្តរជាតិផងដែរ។

ជាការកត់សម្គាល់មុនពេលចេញទៅប្រកួត លីវ ជីលី បានត្រៀមខ្លួនរួចជាស្រេច និងក៏បានធ្វើការហ្វឹកហាត់យ៉ាងសកម្មពោរពេញដោយភាពជឿជាក់ក្លាហានក្នុងនាមបវរកញ្ញាដែលតំណាងកម្ពុជាអោយចូលរួមប្រកួតលើឆាកអន្តរជាតិ។ក្នុងនោះដែរសាមីខ្លួនកញ្ញា ជីលី ក៏បានសុំកាលើកទឹកចិត្តពីអ្នកគាំទ្រនៅកម្ពុជាមុនពេលចាក់ចេញទៅប្រកួតនេះផងដែរ។

កញ្ញា លី ជីលី បាននិយាយទៅកាន់អ្នកគាំទ្រថា សួស្តីបងប្អូន យើងអាចជួបគ្នាបានទេ? ម៉ោង៤និង៣០នាទីនៅ អាកាស​យានដ្ឋានអន្តរជាតិភ្នំពេញ។ នាងបញ្ជាក់ដែរថា នៅថ្ងៃទី២៥ ខែមិថុនានេះ ជួបគ្នានៅប្រលានយន្តហោះភ្នំពេញហើយបើចង់ជូនដំណើរ ជូនដំណើរ ជីលី អោយហើយ ព្រោះតែម្តងនេះទៀតទេ។

បវរកញ្ញា លី ជីលី បន្ថែមថា ក្នុងតំណើរចេញទៅប្រកួតនេះ នាងនឹងត្រូវចេញពីភ្នំពេញទៅកាន់ប្រទេសថៃ ហើយចេញ​ពីថៃទៅអាឡឺម៉ង់ ហើយទើបបានទៅប៉ូឡូញ គឺធ្វើតំណើររហូត៣តង់។ យ៉ាងណាក៏មានអ្នកគាំទ្ រនិងលេងបណ្ដាញសង្គមហ្វេសប៊ុកបាននាំគ្នាលើកកម្លាំងចិត្តជូនពរឱ្យកញ្ញា ជីលី ទទួលបានលទ្ធផលល្អក្នុងការប្រកួតលើឆាកអន្តរជាតិផងដែរ៕

អត្ថបទ៖ ចាន់រ៉ា