ជីវិតកម្សាន្ដ

អ្នកលេងអ៊ីនធឺណិតលាន់មាត់សរសើរ Song Hye Kyo ក្រោយបង្អួតសម្រស់ក្នុងកម្មវិធីមួយ

បានផុស

១ year មុន

នៅ

ថ្ងៃអាទិត្យ ២៥ មិថុនា ២០២៣

ដោយ

ត្រលប់ទៅព្រឹត្តិការណ៍ម្តងទៀត តារាសម្ដែងស្រី Song Hye Kyo ថ្មីៗនេះបានចូលរួមជាមួយ Misha ដែលជាម៉ាកយីហោសំលៀកបំពាក់ប្រណីតរបស់ប្រទេសកូរ៉េ ទើបតែចេញលក់បណ្តុំថ្មីមុនរដូវស្លឹកឈើជ្រុះ (PRE-FALL Collection) នៃឆ្នាំ ២០២៣ កាលពីថ្ងៃព្រហស្បតិ៍ ទី ២២ ខែមិថុនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះសារព័ត៌មានដ៏ល្បី Dispatch Dipe បានដាក់ចំណងជើងធំៗថា “Song Hye Kyo បង្អួតចង្កេះរបស់នាង (មានន័យថាចង្កេះស្ដើង) នាងនៅតែស្ថិតក្នុងគ្រាដ៏ល្អបំផុតនៃជីវិតរបស់នាង”។

ប្រព័ន្ធផ្សព្វផ្សាយក៏បានបញ្ជាក់ផងដែរ តួឯកស្រីក្នុងរឿង “Descendants f the sun” ស្លៀកសំលៀកបំពាក់ប្រចាំថ្ងៃថ្មីរបស់ Misha រួមជាមួយនឹងម៉ូដសក់ធម្មជាតិរបស់នាង ព្រមទាំងបង្ហាញនូវស្ទីលទំនើបទាន់សម័យដែលទស្សនិកជនសុទ្ធតែដឹងនិងឃើញនៅក្នុងរឿង “The Glory” ដែលជាខ្សែភាពយន្តកំពុងទទួលបានភាពល្បីល្បាញខ្លាំងនាពេលនេះផងដែរ។

យ៉ាងណាមិញ សម្រស់របស់អ្នកមេម៉ាយចាយរាងរូបនេះត្រូអ្នកលេងអ៊ីនធឺណិតបានបញ្ចេញមតិដូចៗគ្នាថា នាងស្អាតណាស់ ចង្កេះពិតជាតូចស្ដើង ទោះបីនាងកាន់តែចាស់ទៅហើយ។ ប៉ុន្តែសម្រស់របស់នាងមិនប្រែប្រួលទាល់តែសោះ។

លើសពីនេះទៀត សម្រស់របស់ Song Hye Kyo តែងតែត្រូវមហាជនជាច្រើនលើកមកនិយាយសរសើរមិនដាច់ពីមាត់ ទាំងភាពក្មេងជាងវ័យឬសំលៀកបំពាក់ដែលនាងស្លៀកចូលរួមកម្មវិធីនានា ខណៈនាងគឺជានិន្នាការសម្រស់របស់ស្រីៗទូទាំងពិភពលោកដូចគ្នា៕