ជីវិតកម្សាន្ដ

កម្មវិធីបវរកញ្ញាកែភេទ Miss International Queen 2023 រកឃើញម្ចាស់មកុដមកពីហូឡង់

បានផុស

១ year មុន

នៅ

ថ្ងៃអាទិត្យ ២៥ មិថុនា ២០២៣

ដោយ

នៅរាត្រីចុងក្រោយនៃការប្រលងបវរកញ្ញាកែភេទអន្តរជាតិ Miss International Queen 2023 បានបញ្ចប់ជាផ្លូវការហើយ ដោយរកឃើញម្ចាស់មកុដនាង Solange Dekker មកពីប្រទេសហូឡង់ ខណៈលំដាប់រងទី១ មកពីសិង្ហបុរី លំដាប់រងទី២ មកពីសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញនេះក៏ជាមកុដលើកដំបូងរបស់ប្រទេសហូឡង់ក្នុងជួរមុខ សម្រាប់បវរកញ្ញាកែភេទអន្តរជាតិ។ ជ័យជម្នះនេះជារឿងដ៏គួរភ្ញាក់ផ្អើលសម្រាប់ Solange Dekker ដែលជាបេក្ខភាពមួយរូបក្នុងចំណោមបវរកញ្ញាឯកលេចធ្លោ។

នៅយប់ចុងក្រោយ Solange Dekker រកបានពិន្ទុខ្ពស់ជាមួយនឹងការតុបតែងខ្លួនដ៏ទន់ភ្លន់ និងការឆ្លើយតបយ៉ាងស្ទាត់ជំនាញ។ បវរកញ្ញាកែភេទអន្តរជាតិថ្មីរូបនេះមានកម្ពស់១ម៉ែត្រ៨៥ អាយុ២៧ឆ្នាំក្នុងឆ្នាំនេះ នៅស្រុកកំណើតនាងមានសកម្មភាពជាតារាម៉ូដែលជាយូរមកហើយ។

បន្ទាប់ពីវគ្គពាក់កណ្តាលផ្តាច់ព្រ័ត្រ ឈ្មោះរបស់ Solange Dekker ស្រាប់តែបញ្ចេញពន្លឺ និងទទួលបានការចាប់អារម្មណ៍យ៉ាងខ្លាំង។ សក់ពណ៌ទង់ដែងភ្លឺចាំង និងស្នាមញញឹមមិនជិនណាយ គឺជាចំណុចខ្លាំងរបស់ស្រ្តីមកពីប្រទេសហូឡង់ម្នាក់នេះ។

សូមជម្រាបដែរថា នៅវគ្គផ្តាច់ព្រ័ត្រនៃការប្រលងកម្មវិធី Miss International Queen 2023 បានបញ្ចប់តទៅដោយរលូន នៅថ្ងៃទី ២៤ ខែមិថុនា ក្នុងប្រទេសថៃ ដោយមានការចូលរួមពីបវរកញ្ញាកែភេទជាច្រើនប្រទេស៕