ជីវិតកម្សាន្ដ

ឯម រៀម ៖ ចាំមើលពេលអតខ្ញុំ បងប្អូននឹងស្ដាយក្រោយ

បានផុស

២ years មុន

នៅ

ថ្ងៃចន្ទ ២៦ មិថុនា ២០២៣

ដោយ

អ្នកច្នៃម៉ូដសម្លៀកបំពាក់លោក ឯម រៀម អំឡុងពេលមួយរយៈចុងក្រោយនេះយីអ៊ុនហាក់មិនសូវល្អទេ ពោលរាល់សកម្មភាពរបស់លោកមិនថាការថតរូបបង្ហោះ ឬសរសេរបញ្ចេញមតិអ្វីផ្សេងនៅលើបណ្ដាញសង្គមនោះ តែងរងការរិះគន់ជាហូរហែស្ទើរងើបមុខពុំរួចឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញកន្លងមកនេះ ក្រសួងវប្បធម៌ និងវិចិត្រសិល្បៈ ចេញវិធានការក្ដៅព្រមានឲ្យលោក ឯម រៀម លុបចោលបន្ទាន់នូវរូបភាពស្រើបស្រាលស្រាលននលគក ដែលបង្ហោះចែករំលែកលើបណ្ដាញសង្គម។ ចំណែកសាមីខ្លួន ក៏បានចេញមកសុំទោស និងបញ្ជាក់ថា នេះជារូបភាពដែល Edite តាម App ឈ្មោះថា ToonMe។

បន្ទាប់ពីរឿងរ៉ាវទាំងនោះទើបត្រូវបានស្ងប់ស្ងាត់ទៅវិញមួយរយៈខ្លី លោក ឯម រៀម ស្រាប់តែបានបញ្ចេញអារម្មណ៍ហាក់មិនសប្បាយចិត្តជុំវិញការរិះគន់មួយចំនួនដែលចាំតែចាប់កំហុសលោក។ ក្នុងនោះ ឯម រៀម បានព្រមានថា ចាំមើលពេលអត់លោក នឹងស្ដាយក្រោយ។

លោក ឯម រៀម បានទម្លាយខ្លឹមសារថា «ចាំមើលពេលអត់ ឯម រៀម បងប្អូននឹងស្ដាយក្រោយ…ឯម រៀម Post អីក៏ខុស ស្លៀកអីក៏ខុស ចេញមតិអីក៏ខុស ទើសលុះក្ស័យ ពេលខ្លះភាពអត់ធន់ ទ្រាំមិនបាន ពេលខ្លះចង់តែជេរត្រឡប់ទៅវិញ បងប្អូនមួយចំនួនពូកែខាងទើស។ លោកសង្កត់ធ្ងន់ថា «ខ្ញុំបានជជែកជាមួយថ្នាក់ដឹកនាំហើយថា បើ ឯម រៀម មានលុយជួលមេធាវីប្ដឹងពីបទញុះញង់ឲ្យមានការរើសអើង…»។

អ្នកច្នៃម៉ូដ ឯម រៀម បញ្ជាក់បន្ថែមទៀតថា ដល់ពេលលោកនិយាយរឿងលុយចប់ ឯម រៀម រកមួយពេល ស៊ីមួយពេល ដូចនេះហើយបងប្អូនអាចបន្តការជេរប្រមាថ ឯម រៀម បានតាមចិត្ត តែប្រយ័ត្នស្ពៃ បើប៉ះលើអ្នកដទៃ។ ជាការពិតលោក ឯម រៀម មួយរយៈនេះ ហាក់ជួបព្យុះភ្លៀង នៃការរិះគន់ប្រៀបដូចទឹកបាក់ទំនប់ទៅលើសកម្មភាពមួយចំនួនរបស់អ្នកសិល្បៈល្បីឈ្មោះរូបនេះ៕

អត្ថបទ ៖ ចាន់រ៉ា

Related Topics:លោក ឯម រៀម