ជីវិតកម្សាន្ដ

មួយឈុតដែល Lisa ស្លៀកចូលរួមក្នុងព្រឹត្តិការណ៍ BVLGARI តម្លៃជិត៦ពាន់ដុល្លារ

បានផុស

២ years មុន

នៅ

ថ្ងៃព្រហស្បតិ៍ ២៩ មិថុនា ២០២៣

ដោយ

នៅថ្ងៃទី ២៨ ខែមិថុនា ឆ្នាំ ២០២៣ Lisa សមាជិកក្រុម BLACKPINK បានធ្វើឲ្យទស្សនិកជនលើកឈ្មោះរបស់នាងមកជជែកគ្នាពេញបណ្ដាញសង្គម បន្ទាប់ពីលេចមុខក្នុងព្រឹត្តិការណ៍ BVLGARI គម្រប់ខួប ៧៥ ឆ្នាំដ៏ប្រណិត នៅទីក្រុងសេអ៊ូល ប្រទេសកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកម្មវិធីនេះដែរ Lisa បានជ្រើសរើសរ៉ូបពណ៌សដៃវែង។ ថ្វីត្បិតតែផ្នែកខាងមុខបិទជិតក ប៉ុន្តែផ្នែកខាងក្រោយគឺវាលខ្នងឃើញសាច់ជ្រៅដល់ចង្កេះ បង្ហាញឲ្យឃើញពីសម្រស់របស់នាងកាន់តែលេចធ្លោ។ ជាពិសេសនោះគឺមនុស្សជាច្រើនកម្រនឹងឃើញសមាជិកក្រុម BLACKPINK រូបនេះលើកសក់អស់បែបនេះណាស់។

ទោះយ៉ាងណាក៏ដោយ អ្វីដែលជាទីចាប់អារម្មណ៍ខ្លាំងរបស់ទស្សនិកជននោះគឺឈុតដែលនាងស្លៀកមានរូបរាងដូចម្ចាស់ក្សត្រី។ ចំណែកតម្លៃវិញក៏មិនធម្មតា ខណៈរ៉ូបពណ៌ស Simone តម្លៃ ៤,៦០០ដុល្លារ, គ្រឿងអលង្ការ BULGARI , ស្បែកជើងកែងខ្ពស់ពណ៌ខ្មៅ ១,១៩៥ដុល្លារ។ ចំណែកតម្លៃសរុបមួយឈុតនេះសរុបដល់ទៅ ៥,៧៩៥ដុល្លារ។

ទន្ទឹមនឹងនេះដែរ wikitree ក៏បានរាយការណ៍ថា អ្នកនិយមលេងអ៊ីនធឺណិតកូរ៉េបានបញ្ចេញមតិលើរូបភាពនាងលើសពី ១០០លាន ដងនៅលើសហគមន៍អនឡាញ TheKoo ដោយនិយាយសរសើរថ្ងាសរបស់ Lisa ស្អាតខ្លាំង។ ក្នុងនោះក៏មានហ្វេនមួយចំនួនចោទសួរទៅកាន់នាងវិញថា ហេតុអ្វីបានជានាងមិនបង្ហាញវាញឹកញាប់? ហើយពួកគេក៏សង្ឃឹមថា នាងនឹងបង្ហាញវាជាញឹកញាប់ផងដែរ៕