ជីវិតកម្សាន្ដ

មិនមែនសរសើររហូតទេ លើកនេះ Lisa ត្រូវគេថាឲ្យចំៗ ផាត់មុខមិនសមជាតារាលើឆាកច្រើនឆ្នាំ

បានផុស

១ year មុន

នៅ

ថ្ងៃសុក្រ ៣០ មិថុនា ២០២៣

ដោយ

កាលពីថ្ងៃទី ២៨ខែមិថុនា ក្នុងព្រឹត្តិការណ៍ BVLGARI គម្រប់ខួប ៧៥ ឆ្នាំ នៃម៉ាកយីហោអ៊ីតាលី Bulgari ត្រូវបានប្រារព្ធឡើងនៅទីក្រុងសេអ៊ូល ប្រទេសកូរ៉េ ដោយនាំយកតារាល្បីៗដូចជា Lim Ji Yeon តារាសម្តែង Shin Ye Eun តារាចម្រៀង Hwasa (MAMAMOO) Lee Seo Jin និង Lee Sang។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេស Lisa សមាជិកក្រុម BLACKPINK ក៏មានវត្តមានកក្រើកក្នុងព្រឹត្តិការណ៍ព្រំក្រហមផងដែរ។ ក្នុងកម្មវីធីនោះតារា K pop បានស្លៀករ៉ូបវាលខ្នងបិទជិតកពណ៌សសិចស៊ីដល់ចង្កេះ។ អ្វីដែលគួរឲ្យកត់សម្គាល់បំផុតក្នុងរូបភាពរបស់តារាចម្រៀងស្រីរូបនេះ គឺផ្ទុះខ្លាំង និងធ្វើឲ្យមនុស្សជាច្រើនលើកមកនិយាយ ក្រោយពេលឃើញសម្រស់នាងលើកនេះមិនសមជាតារាលើឆាកជាច្រើនឆ្នាំឡើយ។

ថ្វីត្បិតតែសមាជិកវ័យក្មេងបំផុតរបស់ក្រុម BLACKPINK ត្រូវបានគេសរសើរឥតឈប់ឈរចំពោះការតុបតែងខ្លួន ថាមានមុខរលោង ប៉ុន្តែម្ដងនេះនាងត្រូវអ្នកលេងអ៉ិនធើណេតថាឲ្យចំៗអំពីការតុបតែងខ្លួនមិនស្រស់ស្អាតផងដែរ។ ក្រឡេកមើលឲ្យជិតខ្នងរបស់ Lisa គឺងងឹតទាំងស្រុង បើធៀបនឹងមុខរបស់នាង ពេលថតរូបជាមួយពន្លឺ។ ក្នុងនោះនាងត្រូវគេផ្ដល់ជាយោបល់ថាគួរលាបក្រែមមុនពេលទៅព្រឹត្តិការណ៍ ដើម្បីចៀសវាងការថតរូបដែលមិនសមជាតារាល្បីលំដាប់ពិភពលោក។

លើសពីនេះ នៅពេលដែលកញ្ចក់ប្រព័ន្ធផ្សព្វផ្សាយបានពង្រីកមុខរបស់នាង ស្នាមក្រែមបានជាប់នៅលើធ្មេញរបស់ Lisa ក៏ត្រូវបានបំភ្លឺឲ្យឃើញកាន់តែច្បាស់ថែមទៀត។ ស្របពេលដែល Lisa ត្រូវគេថាឲ្យនាងគួរតែប្រើក្រដាស់ផ្ដិតបបូរមាត់ខាងក្នុង ដើម្បីកុំឲ្យវាជាប់នឹងធ្មេញដែលមើលទៅពិតជាអាក្រក់មើលខ្លាំង។

យ៉ាងណាមិញបើទោះជាមានការរិះគន់និងការថតជ្រុងខ្លះបង្ហាញឲ្យឃើញពីសម្រស់របស់ Lisa មិនស្អាតខ្លាំងដូចកម្មវីធីមុនក៏ដោយ។ ប៉ុន្តែសមាជិកក្រុម BLACKPINK រូបនេះ នៅតែមានគេសរសើរថានាងស្អាតខ្លាំងដដែល ក្រោយលើកសក់សេះអស់ពីថ្ងាស៕

ប្រែសម្រួល៖សាង ស្រីល័ក្ខ

ចុចអាន៖អ្នកលេងអ៊ីនធឺណិតសរសើរថ្ងាស Lisa ថាស្អាត ក្រោយនាងលើកសក់បញ្ចេញឈុតវាលខ្នង

ចុចអាន៖មួយឈុតដែល Lisa ស្លៀកចូលរួមក្នុងព្រឹត្តិការណ៍ BVLGARI តម្លៃជិត៦ពាន់ដុល្លារ