ជីវិតកម្សាន្ដ

ក្រោយត្រូវគេចាប់គូជាមួយ Great តារាសម្ដែង Matt ថា នាងខ្លាចខកចិត្តម្ដងទៀត

បានផុស

២ years មុន

នៅ

ថ្ងៃសុក្រ ៣០ មិថុនា ២០២៣

ដោយ

តារាសម្ដែងស្រី Matt Peeranee ដែលមុននេះមហាជនជាច្រើនបានឃើញរូបនាងធ្វើដំណើរកម្សាន្តជាមួយបុរសសង្ហា Great Warintorn ទៅប្រទេសជប៉ុន និងខេត្ត Hua Hin ខណៈនាពេលថ្មីៗនេះ អ្នកទាំងពីរត្រូវគេផ្កូផ្គងឲ្យស្រលាញ់គ្នាថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ដោយព័ត៌មានរបស់អ្នកទាំងពីរលេចឡើងលើបណ្ដាញសង្គមញឹកញាប់។ នៅទីបំផុត Matt Peeranee ទើបតែចេញមុខប្រកាសពីទំនាក់ទំនងរបស់នាងជាមួយតារាប្រុសរួមទ្រនំជាមួយគ្នាថា “អ្នករាល់គ្នាគ្រាន់តែជាមិត្តភក្តិនិងបងប្អូនបង្កើតប៉ុណ្ណោះ។ ពេលនេះខ្ញុំមិនទាន់ត្រៀមខ្លួនមានស្នេហាថ្មីទេ។ ផ្តោតលើពេលវេលា ក្នុងការធ្វើការងារ និងធ្វើឲ្យជីវិតកាន់តែរីករាយ ខ្ញុំសូមសារភាពថា ខ្លាចខកចិត្តក្នុងស្នេហា ធ្វើឲ្យខ្ញុំចង់នៅលីវឥឡូវនេះ”។

ទោះយ៉ាងណាក៏ដោយ ចំពោះអ្នកគាំទ្រ នៅតែទទូចចង់ឲ្យ Great Warintorn បង្កើតឱកាសនិងបង្កើតទំនាក់ទំនង ជាមួយ Matt ដោយសារតែឃើញគូនេះតែងបង្ហាញភាពស្និទ្ធស្នាលគ្នាខ្លាំង។ លើសពីនេះទៀតទំនាក់ទំនងរបស់អ្នកទាំងពីរកាន់តែបង្កើតអាថ៌កំបាំងបើទោះបីជា Matt ចេញមុខនិយាយថានាងទុក Great ជាបងប្រុសម្នាក់ដែលតែងតែផ្តល់ដំបូន្មាន និងលើកទឹកចិត្តគ្រប់បញ្ហាក៏ដោយ។ ប៉ុន្តែទៅមុខទៀត មហាជនជាច្រើនមានតែរង់ចាំមើលភាគបន្តទៀតប៉ុណ្ណោះ៕