ជីវិតកម្សាន្ដ

តួឯកប្រុសរឿង “ស្នេហ៍មួយជីវិតពីរ” បង្ហាញធៀបការសាមញ្ញ តែកក់ក្ដៅបេះដូង

បានផុស

២ years មុន

នៅ

ថ្ងៃសៅរ៍ ១ កក្កដា ២០២៣

ដោយ

ជាជំហានមួយទៀតត្រូវបានបញ្ចប់សម្រាប់តារាសម្ដែងប្រុស Sean Jindachot ដែលថ្មីៗនេះលោកបានបង្ហោះនៅធៀបអាពាហ៍ពិពាហ៍ជាមួយមិត្តស្រី Petch Pipatchara ឲ្យអ្នកគាំទ្របានឃើញតាមរយៈ Instagram ផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូឃ្លីបនោះ ក្រៅពី Sean Jindachot បង្ហាញពីធៀបការដ៏សាមញ្ញ រូបលោកក៏បានបង្ហាញពីប្រភពដើមនៃធៀបនោះថា “នេះគឺជាគំនិតកាតអាពាហ៍ពិពាហ៍របស់យើង។ យើងចំណាយពេលប្រហែលមួយខែក្នុងការគិត និងបញ្ចូលគំនិតទាំងអស់។ នៅទីបញ្ចប់ ធៀបទាំងនេះត្រូវបានគេហៅថា PIPA•JINDA មានន័យថា សម្រាប់គ្នាទៅវិញទៅមក។ ចំពោះគ្នាទៅវិញទៅមកសម្រាប់ពួកយើង។ វាជាពាក្យដែលមិនថាអ្នកដាក់ប្រយោគអ្វីនោះទេ វាមានន័យថាអ្នកមិននៅម្នាក់ឯងទៀតទេ។ វាជាចេតនាល្អរបស់យើងទាំងពីរដើម្បីឈានដល់គោលដៅរួមមួយ”។

ក្នុងនោះដែរ អ្នកគាមទ្ររបស់គូស្នេហ៍ តួឯកប្រុសក្នុងរឿង “ស្នេហ៍មួយជីវិតពីរ” បានចូលទៅបញ្ចេញមតិថាធៀបការរបស់អ្នកទាំងពីរពិតជាសាមញ្ញពិតមែន។ ចំណែកតួអក្សរ និងពាក្យផ្សេងៗ និងស្ទីលមើលកាន់តែយូឬកាន់ស្អាតនិងមានគំនិតច្នៃប្រឌិតខ្លាំង។

លើសពីនេះទៀត ធៀបអាពាហ៍ពិពាហ៍របស់គូនេះ លោកថែមទាំងបញ្ចាក់យ៉ាងមានអត្ថន័យខ្លាំងថា ធៀបការនឹងនៅជាមួយយើងយ៉ាងហោចណាស់៦០ឆ្នាំទៀត ហើយនឹងធ្វើគ្រប់យ៉ាងជាមួយគ្នាមិនទៅណាចោលគ្នារហូតទៅ៕