ជីវិតកម្សាន្ដ

ម៉ៃយ៉ា ប្រកាសមានផ្ទៃពោះ ៧ ខែ ជាមួយគូស្នេហ៍ភេទដូចគ្នា យ៉ាងភ្ញាក់ផ្អើល

បានផុស

២ years មុន

នៅ

ថ្ងៃចន្ទ ៣ កក្កដា ២០២៣

ដោយ

តារាសម្ដែង និងជាពិធីការិនី ម៉ៃយ៉ា គឺជាតារាស្រីដែលមានឈាមជ័រកូនខ្មែរកាត់អាល្លឺម៉ង់ ខណៈម្ដាយនាងជាជនជាតិខ្មែរ ចំណែកឯឪពុកជាជនជាតិអាល្លឺម៉ង់។ តារាកូនកាត់រូបនេះ ទាញបានការគាំទ្រច្រើន ក្រោយចូលប្រឡូកក្នុងវិស័យសិល្បៈរយៈពេលប៉ុន្មានឆ្នាំមកនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញអមជាមួយនឹងប្រជាប្រិយភាពបាននិងកំពុងតែឡើងកូដខ្លាំងកាលពីប្រមាណ ៤ ឆ្នាំកន្លងទៅ តារាសម្ដែង ម៉ៃយ៉ា ក៏ក្លាហានសម្ញែងពីភាពផ្អែមល្ហែមជាមួយនឹងគូស្នេហ៍កាន់តែខ្លាំង។ ក្នុងនោះ នាងបានបណ្ដើរគូស្នេហ៍ដោយបើកចំហ ដែលគេដឹងថាជាមនុស្សស្រីដូចគ្នា(ស្រលាញ់ស្រីភេទដូចគ្នា) យ៉ាងផ្អែមល្ហែម បង្អួតភ្នែកមហាជន។

ក្រោយចំណាយពេលជាច្រើនឆ្នាំដើម្បីរឹតចំណងស្នេហាស្រលាញ់ភេទដូចគ្នា ស្រាប់តែថ្មីៗនេះ ម៉ៃយ៉ា បានទម្លាយយ៉ាងភ្ញាក់ផ្អើលថា នាងកំពុងពពោះកូនក្នុងផ្ទៃមានរយៈពេល ៧ ខែហើយ ។បន្ទាប់ពីមានដំណឹងនេះ មានការចូលរួមអបអរជាច្រើនពីអ្នកគាំទ្រ និងមិត្តភ័ក្ដិក្នុងរង្វង់សិល្បៈជាមួយតារាកូនកាត់រូបនេះ។

ម៉ៃយ៉ា បានបញ្ជាក់ច្បាស់ដូច្នេះថា «កាដូរ ៤ ឆ្នាំ ស្រលាញ់គ្នា គឺកូនទន្សាយនៅក្នុងពោះម៉ាក់ៗនេះហើយ 7months ទាយមើលថា អូន Girl or Boy »។

មានការសួរនាំមួយចំនួន ក៏បានសួរនាងជុំវិញការយកកូននេះដែរ ប៉ុន្តែមកទល់ពេលនេះមិនទាន់មានការបញ្ជាក់ពី ម៉ៃយ៉ា នៅឡើយទេ។ កម្ពុជាថ្មី នៅព្រឹកថ្ងៃទី ០៣ ខែកក្កដា ឆ្នាំ ២០២៣ នេះ មិនទាន់អាចទាក់ទងដើម្បីសូមការសួរនាំបន្ថែមពាក់ព័ន្ធរឿងនេះពីស្រីស្អាត ម៉ៃយ៉ា បាននៅឡើយទេ៕

អត្ថបទ ៖ ចាន់រ៉ា