ធ្លាប់តែគាំទ្រកូនឱ្យស្រឡាញ់គ្នា ពេលនេះបណ្ដាញសង្គមម្ដាយ Naphat បែរជាលុបរូប Baifern អស់គ្មានសល់

តាំងពីកូនៗមិនទាន់ឆ្លងផុតតំបន់មិត្តភក្តិ អ្នកស្រី Moo Pimpaka ម្ដាយរបស់តារាប្រុស Nine  Naphat តែងតែជម្រុញ និងគាំទ្រកូនប្រុសឱ្យស្រឡាញ់គ្នាជាមួយតារាស្រី Baifern Pinchanok រហូតមក ហើយមិនថាកូនៗទៅដល់ទៅណាអ្នកស្រីរមែងតាមមើលថែ និងលើកទឹកចិត្តកូនពុំដែលខាន។

កន្លងមកនរណាៗក៏ដឹងថា អ្នកស្រី Moo Pimpaka ពេញចិត្តនឹង Baifern ណាស់ និងស្រឡាញ់នាងប្រៀបបាននឹងកូនខ្លួនឯង ឱ្យតែមានឱកាសដើរលេងជុំគ្នា ពួកគេតែងតែមានរូបថតបង្ហោះបង្អួតហ្វេនៗជានិច្ច។

ប៉ុន្តែថ្មីៗនេះ អ្នកតាមដានកើតការងឿងឆ្ងល់ និងភ្ញាក់ផ្អើលផងដែរ ក្រោយពេលបណ្ដាញសង្គម Instagram របស់អ្នកស្រី Moo Pimpaka បែរជាគ្មានរូប Baifern មួយសន្លឹក ខណៈពីមុនៗមក រូបថតរបស់នាងហោះពាសពេញគណនីរបស់អ្នកស្រី។ រឿងនេះបានធ្វើឱ្យអ្នកគាំទ្រមួយចំនួនសង្ស័យថា ទំនាក់ទំនងអនាគតម្ដាយក្មេក និងកូនប្រសាស្រីអាចកំពុងប្រេះឆា។

យ៉ាងណាមិញ ចំពោះ​បញ្ហា​នេះ ត្រូវបានអ្នកស្រី Moo Pimpaka ចេញមុខឆ្លើយតបដោយផ្ទាល់ថា អ្នកស្រីពុំមានទំនាស់ប្រេះឆាអ្វីនឹង Baifern ឡើយ ចំណែករឿងបាត់រូបពី Instagram ទំនងមកពីបញ្ហាបច្ចេកទេស ពេលនេះអ្នកស្រីកំពុងឱ្យគេជួយជួសជុល៕

ប្រែសម្រួល៖ សន្យា

ចុចអាន៖ Baifern ក្លាយជាតារាស្រីដែលគេយកគម្រូវះកាត់មុខតាមច្រើនបំផុត

ចុចអាន៖ អ្នកគាំទ្រសរសើរ Bella ពេញៗមាត់ ក្រោយឃើញនាងជ្រះថ្លានឹងសីលទាន