ជីវិតកម្សាន្ដ

ព្រឹទ្ធាចារ្យ ព្រឿង ឈៀង និងភរិយា ជួបគ្រោះថ្នាក់ចរាចរណ៍ ម្ដុំរោងចក្រស្រាបៀមួយកន្លែង របួសធ្ងន់

បានផុស

១ year មុន

នៅ

ថ្ងៃអង្គារ ៤ កក្កដា ២០២៣

ដោយ

មហាជន និងអ្នកគាំទ្រ ព្រមទាំងសិល្បករ-សិល្បការិនីជាច្រើន បានសម្ដែងក្ដីព្រួយបារម្ភគ្រប់គ្នា បន្ទាប់ពីទទួលដំណឹងថា ព្រឹទ្ធាចារ្យសិល្បៈខ្មែរវីរៈសិល្បករលោកគ្រូ ព្រឿង ឈៀង និង ភរិយា ជួបគ្រោះថ្នាក់ចរាចរណ៍នៅម្ដុំរោងចក្រស្រាបៀមួយកន្លែង បណ្ដាលឲ្យរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពបានឲ្យដឹងថា លោកគ្រូ ព្រឿង ឈៀង និងភរិយា បានជួបគ្រោះថ្នាក់ចរាចរណ៍កាលពីយប់មិញ។ ហេតុការណ៍នេះកើតឡើងនៅម្ដុំរោងចក្រស្រាបៀរមួយកន្លែង បានបណ្ដាលឲ្យព្រឹទ្ធាចារ្យ ព្រឿង ឈៀង ត្រូវដើមទ្រូងជាមួយនឹងដៃចង្កូត។ ចំណែកភរិយា បាក់កដៃ និងប៉ះពាល់ផ្នែកសួត កំពុងសម្រាកនៅមន្ទីរពេទ្យឯកជន។

តាមរយៈគណនីហ្វេសប៊ុកឈ្មោះ Chhayaroth seng បានរៀបរាប់ថា «ប៉ាម៉ាក់ជួបគ្រោះថ្នាក់ កាលពីយប់មិញ នៅរោងចក្រស្រាបៀមួយកន្លែង ប៉ា ត្រូវដើមទ្រូងជាមួយនឹងដៃចង្កូត ម៉ាក់បាក់កដៃ និងសួតជាំបន្តិច សម្រាកនៅមន្ទីរពេទ្យមានជ័យ ១ ផ្លូវ ៣៧១»។

តាមរយៈដំណឹង នៃគ្រោះថ្នាក់ចរាចរណ៍នេះ បានធ្វើឲ្យអ្នកគាំទ្រជាច្រើន រួមទាំងសិល្បករ-សិល្បការិនីមួយចំនួន បង្ហាញការព្រួយបារម្ភ និងជូនពរឲ្យ ព្រឹទ្ធាចារ្យ ព្រឿង ឈៀង និងភរិយា ឆាប់ជាសះស្បើយ។