ជីវិតកម្សាន្ដ

ឆ្លងកាត់ការលំបាកច្រើន មាស នីតា ក្លាយជាស្ត្រីរឹងមាំ ទទួលបានការសរសើរ

បានផុស

១ year មុន

នៅ

ថ្ងៃអង្គារ ៤ កក្កដា ២០២៣

ដោយ

តារាចម្រៀង និងជាអតីតបេក្ខភាពកម្មវិធីប្រឡងចម្រៀងលំដាប់ថ្នាក់ពិភពលោក កញ្ញា មាស នីតា ថ្វីត្បិតមិនអាចក្ដាប់បានឱកាសក្លាយជាម្ចាស់ពានក៏ពិតមែន តែបច្ចុប្បន្ននាងកំពុងមានទីផ្សារការងារច្រើនស្ទើររកពេលសម្រាកគ្មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរ តារាស្រីវ័យក្មេងកញ្ញា មាស នីតា ជារឿយៗ នាងក៏មិនភ្លេចទេចំពោះការអរគុណដល់អ្នកគាំទ្រទាំងអស់ដែលតែងគាំទ្រ និងផ្ដល់កម្លាំងចិត្តសម្រាប់ខ្លួនកន្លងមក។ ម្យ៉ាងទៀត អ្វីដែលអ្នកគាំទ្រចាប់អារម្មណ៍នោះ កញ្ញា មាស នីតា គឺជាក្មេងស្រីម្នាក់ដែលបានឆ្លងកាត់ការលំបាកជាច្រើនទម្រាំធ្វើឲ្យជីវិតរបស់នាងភ្លឺស្វាងមកដល់ពេលនេះ។

តារាចម្រៀងធ្លាប់ឆ្លងកាត់ប្រវត្តិកម្សត់រហូតតស៊ូជម្នះក្លាយជាស្ត្រីរឹងមាំ កញ្ញា មាស នីតា បានពន្លយខ្លឹមសារខ្លីមួយទៅកាន់អ្នកគាំទ្ររបស់ខ្លួនថា«ខ្ញុំរាល់ថ្ងៃដោះស្រាយបញ្ហាម្នាក់ឯង បរាជ័យម្នាក់ឯង ក្រោកឡើងខ្លួនឯង ដើរទៅមុខម្នាក់ឯង យំហើយជូតទឹកភ្នែកខ្លួនឯង»។ នេះជាប្រយោគមួយដែលធ្វើឲ្យមហាជនទទួលការចាប់អារម្មណ៍ និងសរសើរភាពតស៊ូរបស់នាង។

ប្រាកដណាស់ មាស នីតា គេសង្កេតឃើញថា តែងតែធ្វើបានល្អជានិច្ចជាមួយនឹងសំឡេងមនោសញ្ចេតនាក្រអួនក្រអៅរបស់នាង ខណៈចំនួនអ្នកគាំទ្រកើនឡើងជាលំដាប់។

យ៉ាងណាមិញ អតីតបេក្ខនារីប្រឡងចម្រៀងលំដាប់ថ្នាក់ពិភពលោកកញ្ញា មាស នីតា ថ្វីត្បិតមិនអាចក្ដាប់បានឱកាសក្លាយជាម្ចាស់ពានក៏ពិតមែន តែបច្ចុប្បន្ននាងមានទីផ្សារការងារច្រើនគួរសម៕

អត្ថបទ ៖ ចាន់រ៉ា