ជីវិតកម្សាន្ដ

ម៉ាដូណា ជួបរឿងពិបាកចិត្តខ្លាំង ក្រោយធ្វើពិធីឡើងផ្ទះថ្មី

បានផុស

១ year មុន

នៅ

ថ្ងៃអង្គារ ៤ កក្កដា ២០២៣

ដោយ

តារាពហុជំនាញ ម៉ាដូណា ថ្មីៗនេះ បានធ្វើពិធីឡើងគេហដ្ឋានថ្មី ដោយអញ្ជើញភ្ញៀវចូលរួមអបអរយ៉ាងច្រើនកុះករ ព្រមទាំងសិល្បករ-សិល្បការិនីល្បីៗ ជាមួយភាពសប្បាយរីករាយ។ ប៉ុន្តែអ្វីដែលធ្វើឲ្យគេភ្ញាក់ផ្អើលទៀតនោះ ទើបតែរំលងបានប៉ុន្មានថ្ងៃប៉ុណ្ណោះ ម៉ាដូណា ក៏ជួបរឿងពិបាកចិត្ត ខណៈឪពុកចូលសង្គ្រោះបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាភេទទី ៣ លោក ម៉ាដូណា បានឲ្យដឹងថា «រយៈពេល ២០ ឆ្នាំជាងហើយ ដែលឪពុកលោកវេទនា ដូច្នេះប្រសិនឪពុកលោកឆ្លងផុត លោកនឹងជូនគាត់ដើរលេងបន្ត»។ លោក ម៉ាដូណា និយាយទៀតថា «អរគុណពុកម៉ែបងប្អូនចំពោះសារជូនពរ សុំទោសដែលខ្ញុំមិនបានឆ្លើយតបនៅពេលនេះ ព្រោះឥឡូវប៉ាខ្ញុំលែងដឹងខ្លួន ឥឡូវត្រូវស្កេនខួរក្បាលមើលសរសៃឈាមខួរក្បាល»។

តារាសម្ដែងចូលចិត្តកំប្លុកកំប្លែងលោក ម៉ាដូណា បានបញ្ជាក់ថា «លោកពុករបស់ខ្ញុំ ឥឡូវនៅមិនទាន់ដឹងខ្លួនទេ គេងនៅពេទ្យលោកសង្ឃ នៅអគារ IU នៅបន្ទប់ពិសេស ក្រោមការមើលថែដិតដល់ ពីលោកគ្រូ អ្នកគ្រូពេទ្យ តែគេមិនឲ្យភ្ញៀវចូលក្រៅពីបងប្អូនចូលមើលថែទេ»។