Lisa ថាខ្លួនចូលចិត្តឈុតប៊ីគីនីណាស់ តែមិនហ៊ានស្លៀក ព្រោះខ្លាចម្ដាយ

តាំងពីលេចមុខក្នុងវិស័យ Kpop មក ទស្សនិកជនកម្រឃើញតារារ៉េប Lisa ស្លៀកឈុតប៊ីគីនីបង្ហាញជាសាធារណៈណាស់ ទោះជាញឹកញាប់នាងស្លៀកពាក់សិចស៊ីពិតមែន ប៉ុន្តែបើនិយាយដល់ឈុតខោអាវក្នុងសុទ្ធតែម្ដង ពិតជាមិនងាយឃើញ Lisa ស្លៀកនោះទេ។

ចំពោះមូលហេតុពិតនៅក្រោយការស្លៀកពាក់ឈុតប៊ីគីនីនេះដែរ ត្រូវបានសាមីខ្លួនទម្លាយមិនលាក់បាំងថា មកពីនាងខ្លាចម្ដាយរបស់នាង។ Lisa បានសារភាពនៅក្នុងព្រឹត្តិការណ៍មួយថា នាងចូលចិត្តស្លៀកប៊ីគីនី និងតែងតែស្លៀកវាពេលទៅលេងសមុទ្រ ប៉ុន្តែដោយសារតែខ្លាចម្តាយ ទើបមិនហ៊ានបង្ហោះរូបថតតាមអ៊ីនធឺរណិត។

ក្រោយដឹងរឿងពិត អ្នកគាំទ្ររបស់តារាស្រីវ័យ ២៦ឆ្នាំរូបនេះ អស់សំណើចផង និងសរសើរផងថា នាងជាកូនស្រីចេះកោតខ្លាចឪពុកម្ដាយ មានចិត្តស្រឡាញ់គ្រួសារ និងគោរពអ្នកមានគុណបំផុត។ អ្វីដែលឪពុកម្ដាយមិនពេញចិត្ត Lisa នឹងមិនជំទាស់ឡើយ ព្រោះមិនចង់ឃើញពួកគាត់អត់សប្បាយចិត្ត។

គួរបញ្ជាក់ថា មុនឈានជើងដល់ចំណុចកំពូលនៅក្នុងវិស័យ Kpop ដូចបច្ចុប្បន្ន Lisa ត្រូវបានម្តាយរបស់នាង អ្នកស្រី Manobal ជាអ្នកជម្រុញឱ្យប្រឡូកក្នុងពិភពតន្ត្រី និងការរាំ។ ដោយសារធំឡើងនៅប្រទេសថៃដែលមានប្រពៃណីតឹងរ៉ឹងលើការស្លៀកពាក់ ទើប Lisa ប្រកាន់ទម្លាប់ស្លៀកពាក់សមរម្យពេលបង្ហាញខ្លួននៅលើបណ្ដាញសង្គម៕

ប្រែសម្រួល៖ សន្យា

ចុចអាន៖ Lisa រក្សាភាពស្ងៀមស្ងាត់ ក្រោយអ្នកកាសែតសួរនាំទំនាក់ទំនងជាមួយ Park Bo Gum

ចុចអាន៖ បង្ហាញខ្លួនលើកនេះ ហ្វាន ពីងពីង ត្រូវគេរិះគន់រឿងផាត់មុខសក្បុសពេក