មហាជនថា ស្នេហារវាង Ploy និង Tong ត្រឹមជាការសម្ដែង កុហកអ្នកគាំទ្រ

ប៉ុន្មានខែមកនេះ គូស្នេហ៍ថ្មោងថ្មីរបស់តារាសម្ដែង Ploy Chermarn និងតារារ៉េប Tong Twopee បានបង្កការចាប់អារម្មណ៍ទូទាំងប្រទេស ក្រោយពួកគេបើកបង្ហាញទំនាក់ទំនងជាសាធារណៈ។

បន្ទាប់ពីប្រកាសទំនាក់ទំនងយ៉ាងចំហ គូស្នេហ៍នេះតែងតែបង្ហោះរូបថតដើរលេងជាមួយគ្នា សុទ្ធតែជារូបផ្អែមល្ហែម ស្អិតរមួត បង្ហាញថាពួកគេពិតជាស្រឡាញ់គ្នាខ្លាំង ហើយរូបរបស់ពួកគេរមែងត្រូវបានអ្នកគាំទ្រពោលច្រណែន សឹងគ្រប់គ្នា។

ត្បិតមានទស្សនិកជននាំគ្នាសាទរយ៉ាងច្រើនក្ដី ថ្មីៗនេះក្រោយបង្ហោះរូបភាពស្វីតៗជាមួយគ្នា ស្រាប់តែមានមហាជនមួយចំនួននាំគ្នាបើកកកាយថា តាមពិតទំនាក់ទំនងស្នេហារវាង Ploy និង Tong សុទ្ធតែជាការសម្ដែង ដើម្បីបោកប្រាស់អ្នកគាំទ្រប៉ុណ្ណោះ។ តាមពិតពួកគេជាមិត្តជិតស្និទ្ធនឹងគ្នាជាយូរមកហើយ ហើយទស្សនិកជនមិនទាន់ដឹងនៅឡើយថា ទំនាក់ទំនងស្នេហារវាង Ploy និងសង្សារស្រីដូចគ្នា បានបែកគ្នាតាំងពីពេលណា។

ពួកគេបន្ថែមថា Ploy ប្រកាសទំនាក់ទំនងស្នេហាជាមួយ Tong ដើម្បីបិទបាំងរឿងសង្សារស្រីពីគ្រួសាររបស់នាង។ យ៉ាងណាមិញ នេះគ្រា​ន់តែការអះអាងតែម្ខាងប៉ុណ្ណោះ ចំពោះរឿងពិតយ៉ាងណា មានតែរង់ចាំតាមដានបន្តទៀត៕

ប្រែសម្រួល៖ សន្យា

ចុចអាន៖ Lisa ថាខ្លួនចូលចិត្តឈុតប៊ីគីនីណាស់ តែមិនហ៊ានស្លៀក ព្រោះខ្លាចម្ដាយ