៣ ឈុតពី Pu Praya នៅប៉ារីស ធ្វើឱ្យអ្នករិះគន់អន់ចង់

កន្លងមកតារាសម្ដែង និងបង្ហាញម៉ូដថៃ Pu Praya ទទួលបានទាំងមតិសរសើរ និងរិះគន់ ជុំវិញរូបរាងរបស់នាង បើទោះបីជានាងជោគជ័យយ៉ាងខ្លាំងក្នុងវិស័យសិល្បៈ នៅតែមានពាក្យបង្អាប់ មាក់ងាយកើតឡើងចំពោះនាង ជាពិសេសលើការស្លៀកពាក់។

តារាស្រីវ័យ ៣៤ឆ្នាំរូបតែងទទួលពាក្យឌឺដងផ្លែផ្កាលើរូបរាងរបស់នាងថា នាងមិនសមជាកំពូលតារាដែលលេចមុខក្នុងពិភពហូលីវូដ ព្រោះរាងកាយមិនស្គមស្ដើងត្រូវស្ដង់ដារ។ យ៉ាងណាមិញ Pu Praya មិនធ្លាប់យកចិត្តទុកដាក់ឈ្លោះជាមួយអ្នករិះគន់នាងឡើយ ផ្ទុយទៅវិញនាងតែងនិយាយជាសាធារណៈថា នាងពេញចិត្តនឹងខ្លួនឯងបំផុត ហើយជារឿយៗនាងហាក់ត្រូវប៉ាន់ជាមួយនឹងការបង្ហាញម៉ូដជាអន្តរជាតិ។

ជាក់ស្ដែងថ្មីៗនេះ Pu Praya បានបង្ហាញខ្លួនក្នុងព្រឹត្តិការណ៍ Paris High Fashion Week 2023 នៅទីក្រុងប៉ារីស ប្រទេសបារាំង ដោយនាងបានស្លៀកសម្លៀកបំពាក់ប្រណីត ៣ឈុត បង្អួតភ្នែកមហាជនកណ្ដាលទីក្រុង ធ្វើឱ្យអ្នកគាំទ្រលាន់មាត់សរសើរពីរូបរាងដ៏ទាក់ទាញ រីឯអ្នករិះគន់វិញ ហាក់ស្ងាត់លែងហ៊ានបញ្ចេញមតិអវិជ្ជមាន៕

ប្រែសម្រួល៖ សន្យា

ចុចអាន៖ ជំពូ ប៉ះគ្នាលើកដំបូងជាមួយ ហ្វាន ពីងពីង នៅប៉ារីស

ចុចអាន៖ តារាស្រី ៣ ដួង មិនខ្វល់ពីការតិះដៀលធាត់ឬស្គម រស់នៅពេញចិត្តនឹងរូបរាងខ្លួនឯង