ប្រឡូកពិភពតន្ត្រី ១១ឆ្នាំ D.O សមាជិក EXO ទើបតែបង្កើតគណនីបណ្ដាញសង្គម នៅថ្ងៃនេះ

តារាចម្រៀង D.O. សមាជិកក្រុមចម្រៀងបុរស EXO ទើបតែបង្កើតគណនី Instagram ជាលើកដំបូងនៅថ្ងៃនេះ បន្ទាប់ពីឈានជើងចូលក្នុងវិស័យ Kpop អស់រយៈពេល ១១ឆ្នាំ។

នៅព្រឹកថ្ងៃទី១០ ខែកក្កដា ឆ្នាំ២០២៣ D.O បានប្រកាសបើកគណនី Instagram ផ្ទាល់ខ្លួនតាមរយៈគណនី Facebook ហើយភ្លាមៗអ្នកតាមដានរបស់លោកបានផ្ទុះឡើង ដោយគិតត្រឹមម៉ោង ៥ល្ងាច (ម៉ោងនៅកូរ៉េ) តារាប្រុសរូបនេះមានអ្នកតាមដានរហូតដល់ ៥៤៤,០០០នាក់។

គណនីរបស់ D.O មានឈ្មោះថា d.o.hkyungsoo ដែលពុំមានរូបថតរបស់លោកនោះទេ ខណៈពីក្រោមឈ្មោះ Instagram មានដាក់ឈ្មោះពិតរបស់លោកគឺ Kyungsoo ជាភាសាកូរ៉េ និងឈ្មោះក្នុងវិស័យសិល្បៈ “D.O” ។

ត្បិតថាមិនមានរូបថត ប៉ុន្តែទស្សនិកជននៅតែតាមគាំទ្រសមាជិក EXO រូបនេះ ហើយ Profile ដែលគ្មានរូបថតបែបនេះ វាបានបង្ហាញពីបុគ្គលិកលក្ខណៈរបស់លោកដែលជាមនុស្សមិនសូវចំណូលបង្ហាញព័ត៌មានខ្លួនឯងជាសាធារណៈ៕

ប្រែសម្រួល៖ សន្យា

ចុចអាន៖ Lisa ថាខ្លួនចូលចិត្តឈុតប៊ីគីនីណាស់ តែមិនហ៊ានស្លៀក ព្រោះខ្លាចម្ដាយ