តារាថៃ Kwan ទម្លាយថា នាងមានរាងតូចស្ដើង មិនមែនដោយសារការហាត់ប្រាណទេ

បន្ទាប់ពីប្រកាសវិលចូលទូរទស្សន៍ប៉ុស្តិ៍លេខ ៧ វិញ តារាសម្ដែង និងបង្ហាញម៉ូដ ក្វាន់ យូសាម៉ានី (Kwan Usamanee) ហាក់ព្យាយាមថែសម្រស់កាន់តែខ្លាំង ជាពិសេសផ្នែកចង្កេះ និងក្បាលពោះ ហើយការពិតនៅពីក្រោយការថែរាងឱ្យស្គមរបស់នាង មិនមែនបានមកពីការហាត់ប្រាណនោះទេ។

តារាស្រីវ័យ ៣៥ឆ្នាំរូបនេះ បានទម្លាយដោយឥតលាក់បាំងថា មុនពេលថតកុន និងរឿងភាគថ្មី នាងត្រូវប្រាកដថាខ្លួនមានរាងស្លីមស្អាត ដើម្បីប្រជែងជាមួយតារាស្រករក្រោយ។ ជាមួយគ្នានោះ ក្វាន់ និយាយថា បើចាំរាងស្អាតពីការហាត់ប្រាណ វាត្រូវចំណាយពេលយូរណាស់ ទើបនាងត្រូវរកផ្លូវកាត់។

“ទស្សនិកជនប្រហែលជាគិតថា ខ្ញុំ​មាន​រាង​ស្អាតដោយសារការហាត់ប្រាណ ប៉ុន្តែ​មិនមែនទាំងស្រុងទេ។ ដើម្បីទទួលបានក្បាលពោះរាបស្មើ និងចង្កេះតូច ខ្ញុំបានទទួលសេវាសម្រកខ្លាញ់តាមរយៈម៉ាស៊ីន។”

ការសម្រកខ្លាញ់ដោយម៉ាស៊ីន ​មិនត្រឹមតែស្រកខ្លាញ់ប៉ុណ្ណោះទេ វាថែមទាំងជួយឱ្យរឹតបន្តឹងក្បាលពោះឱ្យចេញសាច់ដុំស្អាតទៀតផង។ ក្វាន់ បញ្ជាក់ថា នាងមិនហ៊ានវះកាត់នោះទេ ទើបបានជាប្រើវិធីនេះជំនួសវិញ។ ដោយឡែកផ្នែកផ្សេងទៀតនៃរាងកាយ មិនធ្លាប់ឆ្លងកាត់មុខកាត់នោះទេ ហើយនេះជាលើកទីមួយហើយដែលនាងប្រើបច្ចេកវិទ្យាជួយកែកុនសម្រស់៕

ប្រែសម្រួល៖ សន្យា

ចុចអាន៖ ៣ ឈុតពី Pu Praya នៅប៉ារីស ធ្វើឱ្យអ្នករិះគន់អន់ចង់

ចុចអាន៖ ប្រឡូកពិភពតន្ត្រី ១១ឆ្នាំ D.O សមាជិក EXO ទើបតែបង្កើតគណនីបណ្ដាញសង្គម នៅថ្ងៃនេះ