តើ Lisa នឹងដើរចេញពីក្រុម BLACKPINK ដែរទេ?

ប៉ុន្មានថ្ងៃមកនេះព័ត៌មានចាកចេញពីក្រុម និងការបញ្ចប់កុងត្រាជាមួយផលិតកម្ម YG Entertainment របស់ក្រុម BLACKPINK និងតារារ៉េប Lalisa បាននិងកំពុងធ្វើឱ្យអ្នកលេងអ៊ីនធឺរណិតជជែកគ្នាយ៉ាងតឹងតែង។

នៅថ្ងៃទី១២ ខែកក្កដា ប្រព័ន្ធផ្សព្វផ្សាយចិន Munhwa Ilbo បានរាយការណ៍ថា បច្ចុប្បន្នសមាជិកក្រុម BLACKPINK ទាំងអស់កំពុងចរចាកុងជាមួយ YG Entertainment ដើម្បីបន្តកិច្ចសន្យារបស់ពួកគេ ខណៈសមាជិក ៣នាក់នឹងបន្តកិច្ចសន្យា Lalisa វិញហាក់នៅឆ្ងាយពីការចរចារ ហើយ​លទ្ធភាព​ដែលតារាស្រីរូបនេះនឹងចុះ​ហត្ថលេខា​ជាមួយ​ផលិតកម្ម ស្ថិតក្នុងស្ថានភាពមិនច្បាស់លាស់នោះទេ។ ប្រសិនបើ Lalisa មិនបន្តកុងត្រាថ្មីនោះទេ នោះមានន័យថា តារាស្រីវ័យ ២៦ឆ្នាំរូបនេះ នឹងមិនបន្តជាសមាជិកជាមួយក្រុម BLACKPINK ដូចគ្នា។

ចំពោះពាក្យចចាមអារ៉ាមដែលលេចឮកន្លងមក ផលិតកម្ម YG Entertainment បានបង្ហើបថា ខ្លួននិង BLACKPINK ពុំមានបញ្ហាចុះកុងត្រាថ្មីនោះទេ ហើយការចរចាកិច្ចសន្យាកំពុងជាប់គាំង ដោយសារតែ BLACKPINK មានកាលវិភាគធ្វើការនៅក្រៅប្រទេសស្កេកស្កះពេក។

ជាមួយគ្នានោះ អ្នក​លេង​អ៊ីនធឺរណិត​កូរ៉េ​នាំគ្នាបញ្ចេញ​ប្រតិកម្ម​ចំពោះ​ព័ត៌មាន​ចាកចេញពី YG របស់ ​Lisa ដោយពួកគេបានច្រានចោលរបាយការណ៍ខាងលើថា ជាព័ត៌មានមិនពិត និងគ្មានមូលដ្ឋានច្បាស់លាស់ ព្រោះបើនាងចង់ចាកចេញពិតមែន នាងច្បាស់ជាចេញមុខប្រកាសជាសាធារណៈជាក់ជាមិនខាន៕

ប្រែសម្រួល៖ សន្យា

ចុចអាន៖ ប្រព័ន្ធផ្សព្វផ្សាយធំរបស់កូរ៉េរាយការណ៍ថា Lisa កំពុងណាត់ជួបជាមួយទាយាទស្នងមរតក LV