ប្រឡូកពិភពតន្ត្រីជាង ៧ឆ្នាំ ក្រុម BLACKPINK ចេញចម្រៀងបាន ៧០បទ

លេចមុខក្នុងពិភពតន្ត្រីកូរ៉េជាង ៧ឆ្នាំ ក្រុមនារី BLACKPINK ចេញបទចម្រៀងរួមគ្នា និងបទទោលបានតែ ៧០ប៉ុណ្ណោះ ដែលតួលេខនេះធ្វើឱ្យមហាជនភ្ញាក់ផ្អើលសឹងគ្រប់គ្នា ព្រោះគេរំពឹងថា ក្រុម Kpop មួយនេះអាចចេញបទចម្រៀងដល់ខ្ទង់រយឯណោះ។

យោងតាមប្រព័ន្ធផ្សព្វផ្សាយកូរ៉េខាងត្បូងបានឱ្យដឹងថា បើរាប់បទចម្រៀងទោល និងបទសហការជាមួយតារាដទៃក្នុងទ្រនំជាមួយគ្នា ព្រមទាំងតារាបរទេសផងនោះ សមាជិកទាំង ៤ មានបទចម្រៀងសរុប ៤១បទ ដែលបានចេញផ្សាយ ហើយគិតជាមធ្យមគឺ ៥.៩បទ ក្នុងមួយឆ្នាំ។ ចំពោះបទចម្រៀងរួមគ្នាវិញ BLACKPINK ចេញផ្សាយបានចំនួន ២៩បទ ដែលគិតជាមធ្យម ៤.១បទ ក្នុងមួយឆ្នាំ។

ត្បិតថាក្រុម BLACKPINK ចេញផ្សាយបទចម្រៀងមិនបានចំនួនច្រើនដូចក្រុមដទៃ ឬតារា Kpop ស្រករគ្នា ប៉ុន្តែបទនីមួយៗរបស់ពួកគេសុទ្ធតែមានគុណភាព និងផ្ទុះការគាំទ្រយ៉ាងច្រើនលើសលុប រហូតដល់អាចបំបែកកំណត់ត្រាពិភពលោកជាបន្តបន្ទាប់ទៀតផង៕

ប្រែសម្រួល៖ សន្យា

ចុចអាន៖ YG ឆ្លើយតបជុំវិញព័ត៌មានរំសាយក្រុម BLACKPINK