ជីវិតកម្សាន្ដ

ឈុតតំណាងជាតិ Miss Supranational Cambodia គ្រងដោយ លីវ ជីលី លេចធ្លោខ្លាំង

បានផុស

១ year មុន

នៅ

ថ្ងៃសុក្រ ១៤ កក្កដា ២០២៣

ដោយ

ស្រីស្អាត លីវ ជីលី បវរកញ្ញាតំណាងកម្ពុជា ត្រូវបានជ្រើសរើសចូលរួមក្នុងការប្រកួតលើឆាកអន្តរជាតិ Miss Supranational 2023 នៅឯប្រទេសប៉ូឡូញ នាឆ្នាំនេះ។ ការចេញទៅប្រកួតនេះ នឹងនាំយកប្រទេសកម្ពុជា ទង់ជាតិកម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញាតំណាងកម្ពុជារូបនេះ បានចេញដំណើរពីកម្ពុជា កាលពីល្ងាចថ្ងៃទី ២៥ ខែមិថុនា ឆ្នាំ ២០២៣ កន្លងទៅ។ មុនពេលចេញទៅប្រកួត លីវ ជីលី ត្រៀមខ្លួនរួចជាស្រេច និងបានធ្វើការហ្វឹកហាត់យ៉ាងសកម្មពោរពេញដោយភាពជឿជាក់ ក្លាហាន ក្នុងនាមបវរកញ្ញាតំណាងកម្ពុជាឲ្យចូលរួមប្រកួតលើឆាកអន្តរជាតិ។

អ្វីដែលអ្នកគាំទ្រចាប់អារម្មណ៍ថែមទៀតនោះ កាលពីថ្ងៃទី ១៣ ខែកក្កដា ពោល មុនពេល ១ ថ្ងៃ នៃការប្រឡងផ្ដាច់ព្រ័ត្រនោះ នៅលើផេកផ្លូវការរបស់ Miss Supranational Cambodia ក៏បានបញ្ចេញឈុតតំណាងជាតិដែលបវរកញ្ញា លីវ ជីលី នាំយកទៅប្រកួតនៅលើឆាកអន្តរជាតិលើកនេះ គឺ ពិតជាលេចធ្លោខ្លាំង និងមានអំណាចទៀតផង។

បើតាមការបង្ហោះឲ្យដឹងពីស្ថាប័ន Miss Supranational Cambodia បញ្ជាក់ថា «ឈុតដ៏ប្រណិតនេះមានឈ្មោះ”ព្រះរាម នៃវិមានកម្ពុជា” ឈុតនេះ ដកស្រង់ចេញពីស្នាដៃអក្សរសិល្ប៍ខ្មែររឿងរាមកេរ្តិ៍។ ឈុតនេះ ចង់បង្ហាញពីតួអង្គព្រះរាមដែលមានរំលេចនូវគ្រឿងអលង្ការប្រាក់ដ៏ប្រណិតដែលមានធ្នូនៅក្នុងដៃ និងចង់បង្ហាញពីអំណាចព្រះរាមក្នុងសង្គ្រាម ដើម្បីការពារប្រទេសពីការឈ្លានពានរបស់ខ្មាំងសត្រូវ»។

សូមរម្លឹកថា ក្នុងការចេញទៅប្រកួត Miss Supranational 2023 នៅប្រទេសប៉ូឡូញនោះដែរ សាមីខ្លួន កញ្ញា ជីលី ក៏បានសុំការលើកទឹកចិត្តពីអ្នកគាំទ្រនៅកម្ពុជា មុនចាកចេញទៅប្រកួតនេះផងដែរ៕

អត្ថបទ ៖ ចាន់រ៉ា