តួឯកល្ខោនល្បីឈ្មោះ លោក អុល សំអាង ត្រូវបានបញ្ជូនទៅសង្គ្រោះបន្ទាន់

អ្នកគាំទ្រ និងប្រើប្រាស់បណ្តាញសង្គមហ្វេសប៊ុកជាច្រើនបានសម្តែងការភ្ញាក់ផ្អើលហើយមានបារម្ភគ្រប់គ្នាបន្ទាប់ពីទទួលដំណឹងថា លោក អុល សំអាង ដែលជាតួឯកល្ខោនបាសាក់ល្បីឈ្មោះត្រូវបានគ្រួសារបញ្ជូនទៅសង្គ្រោះបន្ទាន់​​ដោយសារអាការៈចុកខ្លាំង។

តួឯកល្ខោបាសាក់លោក អុល សំអាង ត្រូវបានដឹកចូលសង្គ្រោះបន្ទាន់នៅមន្ទីពេទ្យមួយកន្លែងកាលពីវេលាម៉ោង ៥ ទៀបភ្លឺ ខណៈពេលនេះកំពុងព្យូរសេរ៉ូម។ តាមរយៈដំណឹងនេះដែរគឺមានមហាជនមួយចំនួនបានផ្ញើសារសួរសុខទុក្ខនិងជូនពរឲ្យលោក អុល សំអាងឆាប់ជាសះស្បើយពីជំងឺផងដែរ។

នៅព្រឹកថ្ងៃទី ១៥ ខែកក្កដា ឆ្នាំ២០២៣ កម្ពុជាថ្មីមិនអាចធ្វើការទំនាក់ទំនង ដើម្បីសូមការសួរនាំពីលោកលោក អុល សំអាងបានទេជុំវិញធ្លាក់ខ្លួនឈឺខាងលើនេះ។

ប៉ុន្តែបើតាមការបញ្ជាក់ដោយខ្លីទៅកាន់សំនួរអ្នកគាំទ្រលោកនិយាយថា អត់ទាន់ដឹងលទ្ធផលទេ ខណៈលោកគ្រូពេទ្យកំពុងតាមដាននៅឡើយ៕

អត្ថបទ៖ ចាន់រ៉ា