បវរកញ្ញា លីវ ជីលី ជួបរឿងស៊យបាត់លុយ ១ ពាន់ដុល្លារ ក្រោយចប់ការប្រកួតសម្រស់កញ្ញាឯក

បវរកញ្ញា លីវ ជីលីបានប្រកាសរឿងដ៏ភ្ញាក់ផ្អើលទាំងសម្រាប់អ្នកគាំទ្របន្ទាប់ពីបញ្ចប់ការប្រកួតនៅប្រទេសប៉ូឡូញមិនទាន់បាន១ថ្ងៃផងស្រាប់តែនាងជួបរឿងស៊យបាត់លុយអស់ចំនួន១០០០ដុល្លារកាត់ព្រឹកតែម្តង។

ប្រកាសដំណឹងមិនល្អនេះស្របពេលដែលមហាជន និងអ្នកគាំទ្រកំពុងបង្ហាញការចូលរួមសោកស្តាយគ្រប់គ្នា ខណៈបវរកញ្ញាកម្ពុជាកញ្ញា លីវ ជីលី ពុំអាចចូលទៅដល់ក្នុង Top កំពូលណាមួយនៃការប្រកួតលើឆាកអន្តរជាតិ Miss Supranational2023 នៅប្រទេសប៉ូឡូញ។

យ៉ាងមិញនេះជារឿងដែលពិបាកទទួលសម្រាប់នាងព្រោះរបូតទាំងឱកាសចូល Top និងត្រូវជួបរឿងស៊យបាត់លុយថែមទៀត។ បវរកញ្ញាតំណាងកម្ពុជាកញ្ញា លីវ ជីលី បានបញ្ជាក់មុននេះថា “ថ្ងៃនេះជាថ្ងៃស៊យរបស់ខ្ញុំ បាត់លុយ ១០០០ ដុល្លារថាទុកបង់វ៉ាលីឥឡូវមានគេលួចយកថែមទាំងយកឆ្នាំងសាកទូរស័ព្ទខ្ញុំទៀត…(អនុស្សាវរីយ៍ដ៏អាក្រក់)”។ អ្នកគាំទ្រនាងមួយចំនួនបានសម្តែងការសោកស្តាយ និងលើកទឹកចិត្តដល់ ជីលី ផងដែរក្រោយដឹងរឿងនេះ។

សូមជម្រាបដែរថា កញ្ញាកម្ពុជា កញ្ញា លីវ ជីលី ទោះបីពុំអាចចូលទៅដល់ក្នុងTopកំពូលណាមួយនៃការប្រកួ តលើឆាកអន្តរជាតិ Miss Supranational 202 3នៅប្រទេសប៉ូឡូញជាយ៉ាងនេះក៏ពិតមែនសម្រាប់ក ញ្ញា លីវ ជីលីនៅតែរក្សាបានការគាំទ្រនិងលើកទឹកចិ ត្តខ្លាំងពីសំណាក់ប្រជាជនកម្ពុជាដែលនាងបាននាំយ កឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយ ធម៌វប្បធម៌ដែលដូនតាយើងបានបន្សល់ទុក៕

អត្ថបទ៖ ចាន់រ៉ា