ជីវិតកម្សាន្ដ

សូ ដានីតា ផុងខ្លួនរឿងធានាលុយតុងទីនជិត ១ លានដុល្លារ

បានផុស

២ years មុន

នៅ

ថ្ងៃអង្គារ ១៨ កក្កដា ២០២៣

ដោយ

ក្រោយប្រកាសថា ខ្លួនជាជនរងគ្រោះរងថ្មបាក់ជុំវិញរឿងរ៉ាវ នៃបំណុលតុងទីន ខណៈកូនៗ រត់ ចោលមិនទទួលខុសត្រូវ អ្នកនាង សូ ដានីតា ដែលជាតារាចម្រៀង និងសម្ដែងល្បីឈ្មោះ ថ្មីៗនេះ ក៏អស់ភាពអត់ធ្មត់ ផ្ដើមទម្លាយអត្តសញ្ញាណម្ដងមួយៗ ចំពោះបុគ្គលបោកលុយទាំង ២១ នាក់ ជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ថ្មីៗនេះ ស្រាប់តែតារាសម្ដែងអ្នកនាង សូ ដានីតា បានទម្លាយផងដែរពីទំហំទឹកប្រាក់ដែលត្រូវបានផុងលង់ខ្លួនដោយសារតែការចាញ់បោកគេតាមរយៈការលេងតុងទីន ខណៈកន្លងមកនាងក៏ធ្លាប់ទម្លាយបន្តបន្ទាប់ពីរឿងនេះ។

តារាចម្រៀងអ្នកនាង សូ ដានីតា បានថ្លែងបញ្ជាក់ដូច្នេះថា «គាត់ជាកម្លាំងចិត្ត មានគាត់ម្នាក់ ធ្វើឲ្យខ្ញុំខំជម្នះ នៃរឿងធានាលុយតុងទីនជិត ១ លាន»។ បើតាមការកត់សម្គាល់ នេះមិនមែនទើបជាលើកទី ១ នោះទេ ដែលតារាស្រី សូ ដានីតា បានបង្ហាញអារម្មណ៍មិនសប្បាយចិត្តរហូតធ្វើការបង្ហោះជាសាធារណៈនៅលើបណ្ដាញសង្គមពាក់ព័ន្ធកូនបំណុលរបស់ខ្លួន។

សូមបញ្ជាក់ដែរថា ចាប់តាំងពីអំឡុងចុងឆ្នាំ ២០២១ និងចូលដល់ចុងឆ្នាំ ២០២៣ នេះ គេឃើញមានតារាប្រុស-ស្រីល្បីៗមួយចំនួន បានផ្ទុះនូវរឿងរ៉ាវដ៏រសើប និងភ្ញាក់ផ្អើលខ្លាំងនៅក្នុងសង្គមខ្មែរប្រហែលគ្នា ជុំវិញការផុងខ្លួនអស់លុយរាប់សិបម៉ឺនដុល្លារដោយហេតុផលផ្សេងៗផងដែរ៕

អត្ថបទ ៖ ចាន់រ៉ា