ជីវិតកម្សាន្ដ

លោក ណយ វ៉ាន់ណេត រស់នៅយ៉ាងសាមញ្ញក្រោយស្ងប់ស្ងាត់សិល្បៈដោយសារកូវីដ-១៩

បានផុស

៤ years មុន

នៅ

ថ្ងៃពុធ ២៧ មករា ២០២១

ដោយ

តារាចម្រៀងជើងចាស់មានឈ្មោះល្បីល្បាញជាមួយនឹងទឹកដមសម្លេងពិរោះក្រអួនក្រអៅ អង្រួនបេះដូងអ្នកស្តាប់ លោកគ្រូ ណយ វ៉ាន់ណេត កន្លងមកបានធ្វើឲ្យមហាជនជាច្រើនចាប់អារម្មណ៍ចំពោះជីវិតរស់នៅឯកជនក្រៅរង្វង់សិល្បៈរបស់លោកនិងក្រុមគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ គេធ្លាប់នៅចាំបានថា កាលពីថ្មីៗកន្លងទៅលោកគ្រូ ណយ វ៉ាន់ណេត ក៏បានធ្វើឲ្យអ្នកគាំទ្រមានការភ្ញាក់ផ្អើលផងដែរ ក្រោយពេលលោកបានបញ្ចេញរូបថតប៉ុន្មានសន្លឹកស្ថិតក្នុងសកម្មភាពធ្វើកម្មករសំណង។ ប៉ុន្តែជាចម្លើយត្រូវបានលោកគ្រូបញ្ជាក់ថា នេះគ្រាន់តែការងារបន្តិចបន្តួចនៅផ្ទះប៉ុណ្ណោះ។

ដោយឡែកបើកត់សម្គាល់អំឡុងពេលកើតមានជំងឺកូវីដ-១៩នេះដែរ បើគិតមកដល់ពេលនេះគឺមានរយៈពេលប្រហែល១ឆ្នាំហើយខណៈដែលអាជីសិល្បៈរបស់លោកគ្រូ ណយ វ៉ាន់ណេត ហាក់មានភាពស្ងប់ស្ងាត់និងបាត់បង់ទីផ្សារចម្រៀងនៅខាងក្រៅ។ បញ្ហានេះពុំមែនកើតមានតែចំពោះលោកគ្រូ ណយ វ៉ាន់ណេត ម្នាក់ទេ ពោលគឺបច្ចុប្បន្នស្ទើរតែអ្នកសិល្បៈទាំងអស់ដែលបានប្រឈមបញ្ហានេះ។

ចាប់អារម្មណ៍មកមើលជីវិតរស់នៅឯកជនរបស់លោកគ្រូ ណយ វ៉ាន់ណេត វិញថ្វីត្បិតបញ្ហាជំងឺកូវីដហាក់មិនទាន់ស្ងប់ស្ងាត់ក៏ពិតមែន តែសម្រាប់ជីវិតរស់នៅរបស់លោកនិងក្រុមគ្រួសារ គឺប្រើជីវិតលក្ខណៈសាមញ្ញៗ ហើយសប្បាយដូចមជ្ឈដ្ឋានមហាជនឯទៀតផងដែរ។

ជាក់ស្តែងអំឡុងពេលដំណើរកម្សាន្តទៅលេងខេត្តសៀមរាប លោកគ្រូ ណយ វ៉ាន់ណេត បានបង្ហោះរូបភាពជាច្រើនសន្លឹកមកថា ទេសភាពដ៏ល្អប្រណិតមានផ្ទះសង់អំពីឈើទឹកដៃឆ្នៃប្រឌិតគំនិតផ្តើមទ្បើងទាក់ទាញ់ភ្ញៀវបរទេសនឹងបងប្អូនខ្មែរចូលមកសម្រាកយ៉ាងសប្បាយរីករាយ ស្រុកប៉ាដាកបន្ទាយស្រី សៀមរាប ។ ដំណើរកម្សាន្តនេះបានធ្វើឲ្យអ្នកគាំទ្រជាច្រើនចាប់អារម្មណ៍ខ្លាំងជាមួយទេសភាពដ៏ស្រស់ស្រាយនៅលើទឹកដីខេត្តសៀមរាបអង្គរ៕

អត្ថបទ ៖ ចាន់រ៉ា