ជីវិតកម្សាន្ដ

ពេជ្រ សោភា ពន្លយពាក្យយ៉ាងភ្ញាក់ផ្អើល«បើបាត់ខ្ញុំពីលោកនេះទៅ មានអ្នកនឹកខ្ញុំទេ?

បានផុស

២ years មុន

នៅ

ថ្ងៃអង្គារ ១៨ កក្កដា ២០២៣

ដោយ

មហាជន និងអ្នកគាំទ្រ ពិសេសអ្នកប្រើប្រាស់បណ្ដាញសង្គមហ្វេសប៊ុក មានការភ្ញាក់ផ្អើល និងចាប់អារម្មណ៍គ្រប់គ្នា ខណៈដែលតារាចម្រៀងលំដាប់កំពូលអ្នកនាង ពេជ្រ សោភា បានប្រកាសដោយសំនួរថា «បើបាត់ខ្ញុំពីពិភពលោកនេះទៅមានអ្នកនឹកខ្ញុំទេ?»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើផ្អែកតាមខ្លឹមសាររបស់តារាចម្រៀងអ្នកនាង ពេជ្រ សោភា បានលើកឡើងថា «សង្ឃឹមថាខ្ញុំនឹងបំពេញតួនាទីឱ្យបានល្អបំផុត ខ្ញុំចង់ដឹងណាស់បើបាត់ខ្ញុំពីពិភពលោកនេះទៅ មានអ្នកនឹកខ្ញុំទេ?ឈឺរហូតមានអារម្មណ៍ថាហត់នឹងលេបថ្នាំ គ្មានថ្នាំព្យាបាលផ្លូវចិត្តទេមើលទៅ»។

ពាក់ព័ន្ធនឹងការប្រកាសរបស់តារាចម្រៀង ពេជ្រ សោភា ពេលនេះ បានធ្វើឱ្យមហាជន និង អ្នកគាំទ្រមួយចំនួនកើតចម្ងល់ និងសួរនាំពីមូលហេតុគ្រប់គ្នាថា តើនាងមានបញ្ហាអ្វី ទើបបាននិយាយដូច្នេះ?។ ចំណែកខ្លះទៀត ហាក់បង្ហាញការព្រួយបារម្ភ និងលើកទឹកចិត្តដល់តារាចម្រៀងស្រីរូបនេះឱ្យពង្រឹងស្មារតី និងរឹងមាំ។

ទន្ទឹមនេះ មុនការបង្ហោះសំណេរប្រមាណ ២ ឬ ៣ ថ្ងៃមុន គេក៏បានកត់សម្គាល់ដែរថា តារាចម្រៀង ពេជ្រ សោភា ក៏បានបញ្ចេញខ្លឹមសារបង្កប់ន័យហាក់កំពុងជួបវិបត្តិផ្លូវចិត្តអ្វីមួយ។

ខ្លឹមសារដែលមានបរិយាយនោះបានលើកឡើងថា «ហេតុអី្វទង្វើអ្នកដទៃតែងតែសរសើរគេហូត ចំណែកខ្ញុំ គឺចាំតែខុសធ្វើអី្វក៏មិនដែលត្រូវចិត្តអ្នក នៅក្បែរអ្នកគឺខ្ញុំមិនមែនអ្នកដទៃទេ គ្រប់យ៉ាងខ្ញុំខំអស់ពីចិត្តហើយ (សម្ពាធណាស់)»។ ក្នុងនោះ សោភា ក៏បានពន្លយខ្លីទៀតថា“ហត់ណាស់”។

ជុំវិញរឿងរ៉ាវខាងលើនេះ «កម្ពុជាថ្មី» នៅថ្ងៃទី១៨ ខែកក្កដា ឆ្នាំ២០២៣ នេះ គឺមិនអាចសុំការបកស្រាយពីអ្នកនាង ពេជ្រ សោភា បានទេ។ ដោយឡែកសម្រាក់អ្នកគាំទ្រ ក៏បានបញ្ចេញសារលើកទឹកចិត្តដែរថា រឹងមាំឡើងបងកុំបាក់ទឹកចិត្ត បងធ្វើបានល្អហើយ ទោះគេមើលមិនឃើញក៏ជារឿងរបស់គេ។ សំខាន់បងដឹងខ្លួនឯងហើយក៏នៅតែបន្តឱ្យល្អបំផុត៕

អត្ថបទ៖ ចាន់រ៉ា