តួប្រុសរឿង “Descendants Of The Sun” ពាក់ព័ន្ធករណីឆបោកប្រាក់ជិត ៥០លានដុល្លារ

តារាសម្តែង Jin Goo អតីតតួប្រុសក្នុងភាពយន្តភាគដ៏ល្បីល្បាញរបស់កូរ៉េខាងត្បូងរឿង “Descendants Of The Sun” កំពុងត្រូវគេសង្ស័យមានជាប់ពាក់ព័ន្ធករណីរឆបោកប្រាក់ប្រមាណ ៦០ពាន់លានវ៉ុន (ប្រហែល ៤៧.៤លានដុល្លារអាមេរិក) ។

ជុំវិញព័ត៌មាននេះ នៅថ្ងៃទី១៨ ខែកក្កដា ឆ្នាំ២០២៣ ផលិតកម្ម Baro Entertainment ដែលជាអ្នកគ្រប់គ្រងរបស់តារាសម្តែង Jin Goo បានចេញមុខបដិសេដ និងបានឱ្យដឹងថា ទោះបីជាតារាប្រុសរូបនេះធ្លាប់ជួបជាមួយជនឆបោកពិតមែន ប៉ុន្តែលោកពុំចូលរួមក្នុងការបោកប្រាស់ ទោះជាតាមរូបភាពអ្វីក៏ដោយ។

ផលិតកម្ម Baro Entertainment ​​បញ្ជាក់ម្ដងហើយម្ដងទៀត​​ថា Jin Goo ទើបតែ​ដឹង​ពី​ការ​ឆបោកនេះ​ប៉ុណ្ណោះ ហើយ​កន្លងមកលោក​មិន​បាន​ចូលរួម​ក្នុង​រឿង​នោះ​ទេ។ ពេលនេះរឿងពិតយ៉ាងណា នៅមិនទាន់ច្បាស់ឡើយ ខណៈតុលាការនៅពុំទាន់កោះហៅ Jin Goo ឱ្យបំភ្លឺនោះទេ។

គួរបញ្ជាក់ថា កន្លងមក TV Daily បានរាយការណ៍ថា តារាប្រុស Jin Goo មានទំនាក់ទំនងនឹងជនឆបោកប្រាក់តាមអ៊ីនធឺរណិតម្នាក់ ដោយជននោះបានបោកប្រាស់ប្រាក់ចំនួន ១១.២លានដុល្លារ ពីជនរងគ្រោះចំនួន ៦១នាក់។ បើគិតជាសំណង Jin Goo និងជនឆបោកម្នាក់នោះត្រូវសងប្រាក់ជនរងគ្រោះវិញចំនួន ៤៧.៤លានដុល្លារអាមេរិក៕

ប្រែសម្រួល៖ សន្យា

ចុចអាន៖ កាត់ទោសបុរសម្នាក់ឱ្យជាប់គុក ១៤ខែ ពីបទបន្លំខ្លួនជាសមាជិក BTS

ចុចអាន៖ មិនសារភាពចំៗ តែទង្វើរវាង Tono និង Nychaa បញ្ជាក់ច្បាស់ពួកគេពិតជាលើសពីមិត្ត