Baifern ចេញមុខផ្ដល់សម្ភាសន៍ ទម្លុះពាក្យចចាមអារ៉ាមបែកគ្នាព្រោះម្ដាយ

ជាច្រើនថ្ងៃមកហើយ ពាក្យចចាមអារ៉ាមប្រេះឆារវាង Baifern Pimchanok និង Nine Naphat ដោយសារម្ដាយខាងប្រុស បានបន្តជជែកនៅលើបណ្ដាញសង្គមថៃ ទោះបីជាម្ដាយរបស់ Naphat ធ្លាប់ចេញមុខបកស្រាយថាគ្មានបញ្ហានឹងគ្នាជាមួយអនាគតកូនប្រសាស្រី ទស្សនិកជននៅតែសង្ស័យមិនទាន់ឈប់។

ដោយសារការជជែកវែកញែក ហាក់មិនទាន់ស្ងប់ស្ងាត់ ពេលនេះ Baifern ចេញមកផ្ដល់សម្ភាសន៍ដោយផ្ទាល់ ដើម្បីបញ្ចប់ពាក្យចចាមអារ៉ាមកន្លងមក។ ក្នុងនោះ Baifern បាននិយាយថា ទំនាក់ទំនងរបស់នាងនិងមិត្តប្រុស នៅតែល្អជានឹងគ្នា ចំណែកទំនាក់ទំនងជាមួយអនាគតម្ដាយក្មេក ក៏ពុំល្អក់កករអ្វីដែរ។

តារាស្រីរូបនេះបន្ថែមថា កន្លងមកនាងឃើញសារព័ត៌មានមួយចំនួនចុះផ្សាយថា នាង និង Naphat កំពុងប្រេះឆាទំនាក់ទំនងស្នេហាដោយសារអ្នកស្រី Moo វាសុទ្ធតែជារឿងមិនពិតនោះទេ។ តាំងពីផ្ទុះព័ត៌មាន រហូតមកទល់ពេលនេះ នាងនិងគាត់បន្តជួបគ្នា និងបានញ៉ាំអាហារជាមួយគ្នាទៀតផង។

នៅចុងបញ្ចប់ Baifern និយាយបែបលេងសើចថា បើសិនអ្នកស្រី Moo បំបែកនាងនិងកូនប្រុសគាត់ នាងក៏មិនព្រមដែរ ហើយនាងនិង Naphat នៅតែកាន់ដៃគ្នារហូតទៅ៕

ប្រែសម្រួល៖ សន្យា

ចុចអាន៖ មិនសារភាពចំៗ តែទង្វើរវាង Tono និង Nychaa បញ្ជាក់ច្បាស់ពួកគេពិតជាលើសពីមិត្ត

ចុចអាន៖ អ្នកគាំទ្រអស់សំណើច ក្រោយរូបភាព Jin ស្លៀកពាក់ឯកសណ្ឋានយោធាអាចជួយសង្គ្រោះនារីម្នាក់ពីចោរប្លន់