Connect with us

ជីវិតកម្សាន្ដ

ប្រកាសលែងលះអតីតស្វាមីប៉ុន្មានថ្ងៃ Ariana Grande ណាត់ជួបជាមួយដៃគូសម្ដែង

បានផុស

នៅ

ទើបប្រកាសលែងលះអតីតស្វាមីជាផ្លូវការកាលពីប៉ុន្មានថ្ងៃមុន ពេលនេះតារា​ចម្រៀងរាងតូចច្រឡឹង Ariana Grande ​ចាប់​ផ្ដើម​មាន​ទំនាក់​ទំនង​ស្នេហាថ្មី​ជាមួយ​ដៃគូសម្ដែងនៅក្នុងរឿង “Wicked” ដែលអ្នកទាំងពីរធ្លាប់ជួបគ្នា កាលឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពមួយបានប្រាប់ទស្សនាវដ្តី The People ថា “Ariana និងអតីតស្វាមី Dalton Gomez បានបែកគ្នា តាំងពីខែមករាមកម្ល៉េះ ហើយនាង និងមិត្តប្រុស ទើបតែចាប់ផ្តើមទាក់ទងគ្នា បន្ទាប់ពីខាងប្រុសចែកផ្លូវពីប្រពន្ធរបស់គាត់ដាច់ស្រេច” ។

ចំពោះការចាប់ដៃគូសម្ដែងរួមគ្នារវាង Ariana និងមិត្តប្រុសលោក Ethan Slater នៅក្នុងរឿង “Wicked” បានចាប់ផ្ដើមតាំងពីឆ្នាំ២០២២មកម្ល៉េះ ហើយភាពយន្តនេះគ្រោងនឹងចេញផ្សាយនៅឆ្នាំ២០២៤។ ទោះជាយ៉ាងណា បច្ចុប្បន្នគេមិនច្បាស់ទេថា តើកាលបរិច្ឆេទនៃការចេញផ្សាយភាពយន្តនេះនឹងធ្វើឡើងនៅថ្ងៃខែណាឱ្យប្រាកដ។

គួររំលឹកថា តារាប៉ុប Ariana Grande និងអតីតស្វាមី Dalton Gomez បានដឹកដៃគ្នាចូលរោងការតូចមួយ នៅឆ្នាំ២០២១ ប៉ុន្តែថ្មីៗនេះប្រភពពី New York Post បានអះអាងថា ពួកគេបានបែកគ្នាតាំងពីខែមករា ឆ្នាំ២០២៣ ហើយប៉ុន្មានថ្ងៃមុនដំណឹងនៃការលែងលះ បានប្រកាសជាសាធារណៈ ។

ដោយឡែកចំពោះទំនាក់ទំនងរវាង Ariana Grande និងលោក Ethan Slater ពុំមានភាគីខាងណាចេញមុខបកស្រាយឡើយ ខណៈអ្នកតំណាងរបស់តារាទាំងពីរក៏រក្សាភាពស្ងៀមស្ងាត់ ហាក់កំពុងបញ្ជាក់ថា ដំណឹងនេះគឺជារឿងពិត៕

ប្រែសម្រួល៖ សន្យា

ចុចអាន៖ Starbucks សម្ពោធផលិតផលសហការជាមួយ BLACKPINK តែហ្វេនមិនចាប់អាម្មណ៍

ចុចអាន៖ Gigi Hadid ទម្លាយរឿង ត្រូវប៉ូលិសចាប់នៅកោះកៃម៉ាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម