រួមរស់នឹងគ្នាជាង ២ឆ្នាំ Min Peachaya ទើបសារភាពផ្លូវការថា នាងមានមិត្តប្រុស

កន្លងមកព័ត៌មានចចាមអារ៉ាមដែលថា តារាសម្ដែង Min Peachaya មានមិត្តប្រុសរួចទៅហើយ គ្រាន់តែនាងតែងតែព្យាយាមលាក់បាំងមហាជនប៉ុណ្ណោះ ត្រូវសាមីខ្លួនចេញមុខបដិសេដជាញឹកញាប់ ប៉ុន្តែព័ត៌មាននេះបានទម្លាយជាសាធារណៈ កាលពីប៉ុន្មានខែមុន បន្ទាប់តារាស្រីរូបនេះបង្ហោះរូបគូស្នេហ៍ តែមិនបង្ហាញមុខមាត់ពិតរបស់ដៃគូ។

ដោយមានឱកាសផ្ដល់បទសម្ភាសន៍ជាមួយប៉ុស្តិ៍ទូរទស្សន៍មួយ នាពីពេលថ្មីៗនេះ គេបានសួរនាំអំពីទំនាក់ទំនងរបស់ Min និងមិត្តប្រុស ថាតើរឿងពិតយ៉ាងណាទៅ? ហេតុអ្វីបានជានាងមិនព្រមបង្ហាញមុខមិត្តប្រុសយ៉ាងដូច្នេះ?

ឆ្លើយទៅនឹងសំណួរនេះ Min បានសារភាពលែងលាក់បាំងទៀតថា តាមពិតទំនាក់ទំនងរវាងនាង និងមិត្តប្រុស បានចាប់ផ្ដើមអស់រយៈពេលជាង ២ឆ្នាំមកហើយ និងកំពុងរួមរស់ជាមួយគ្នាផងដែរ។ នាង និងគាត់មិនមែនត្រឹមតែស្គាល់គ្នាក្នុងរយៈពេលពីរបីឆ្នាំនោះទេ​ ពោលគឺអ្នកទាំងពីររាប់អានគ្នាជាមិត្តជាង ១០ឆ្នាំមកហើយ ទើបតែពីរឆ្នាំមុន អ្នកទាំងពីរឆ្លងបន្ទាត់មិត្តភក្តិ ក្លាយជាគូស្នេហ៍នឹងគ្នា។

ទោះបីជារៀបរាប់អំពីទំនាក់ទំនងរបស់ខ្លួនមួយចំនួនក្ដី ប៉ុន្តែ Min នៅតែមិនព្រមទម្លាយមុខមាត់ពិតរបស់គូស្នេហ៍ ដោយនាងបានត្រឹមប្រាប់ថា គាត់ជាអ្នកនៅក្រៅរវង្វង់សិល្បៈ៕

ប្រែសម្រួល៖ សន្យា

ចុចអាន៖ ចុះសំបុត្រអាពាហ៍ពិពាហ៍ ២០ឆ្នាំ កុំកុំ ទើបដឹកដៃភរិយារៀបការយ៉ាងអភិជន

ចុចអាន៖ Baifern ចេញមុខផ្ដល់សម្ភាសន៍ ទម្លុះពាក្យចចាមអារ៉ាមបែកគ្នាព្រោះម្ដាយ