James Ma និង​ James Jirayu បណ្ដាក់គ្នាបង្ហោះរូបគូ ហាក់កំពុងបង្អួតគ្នា

បន្ទាប់ពីប្រកាសទំនាក់ទំនងគូស្នេហ៍ជាសាធារណៈ កម្លោះភ្នែកតឹង James Ma និងកម្លោះសម្បូរស្នេហ៍ James Jirayu មិនសូវបង្ហោះរូបជាមួយមិត្តស្រីប៉ុន្មានឡើយ ​ទើបតែថ្មីៗនេះ ទស្សនិកជនប្រទះឃើញតារាប្រុសទាំងពីរ នាំគ្នាបង្ហោះរូបដៃគូបន្តកន្ទុយគ្នានៅលើបណ្ដាញសង្គមរៀងខ្លួន ហាក់កំពុងប្រជែងគ្នាបង្អួតមិត្តស្រីអ៊ីចឹង។

យ៉ាងណាមិញ ការបង្ហោះរូបគូបណ្ដាក់គ្នារបស់តារាប្រុសទាំងពីរ ពុំមែនចង់បង្អួត ឬប្រជែងគ្នាអ្វីឡើយ ដែលមូលហេតុគឺមកពីវាជាថ្ងៃពិសេសរបស់ពួកគេ។

បើងាកទៅមើលគណនី​របស់ James Ma ប្រិយមិត្តឃើញលោកបង្ហោះរូបមិត្តស្រី Rinrada ដែលបានមកចូលរួមប្រារព្ធខួបកំណើតគម្រប់វ័យ ៣៣ឆ្នាំរបស់លោក។ បន្ថែមពីលើរូបថត ​តារាប្រុសរូបនេះ បានបញ្ចេញសារយ៉ាងកក់ក្ដៅថា ឆ្នាំនេះខុសពីឆ្នាំមុនៗ ​ព្រោះលោកមានមនុស្សសំខាន់ម្នាក់ទៀតមកចូលរួមអបអរថ្ងៃពិសេសរបស់លោក។

ក្រឡេកទៅគណនីរបស់ James Jirayu វិញ បានបង្ហោះរូបគូស្នេហ៍ផ្អែមល្ហែមមិនចាញ់ពី James Ma ប៉ុន្មាននោះទេ ដោយលោកចែករំលែករូប ​Faom ដែលជាមិត្តស្រីក្រៅរង្វង់សិល្បៈ ដើម្បីជូនពរថ្ងៃកំណើតរបស់នាង។ ភ្ជាប់​ជាមួយ​រូបភាព​ James Jirayu បានសរសេរសារជូនពរថ្ងៃកំណើតនាងថា “Happy Belated Birthday 11.07.2023 My heart” ( រីករាយថ្ងៃកំណើតម្ចាស់បេះដូង) និងបាន tag ទៅកាន់ IG របស់ Foam ផងដែរ។

រូបភាពគូស្នេហ៍ James Ma

រូបភាពគូស្នេហ៍ James Jirayu

ប្រែសម្រួល៖ សន្យា

ចុចអាន៖ កូនកតញ្ញូ! James Jirayu សុខចិត្តផ្អាកការងារសិល្បៈ បួសសងគុណឪពុកម្ដាយ

ចុចអាន៖ រួមរស់នឹងគ្នាជាង ២ឆ្នាំ Min Peachaya ទើបសារភាពផ្លូវការថា នាងមានមិត្តប្រុស