ជីវិតកម្សាន្ដ

ពេជ្រ សោភា ទម្លាយយ៉ាងភ្ញាក់ផ្អើល ខណៈអ្នកគាំទ្រសង្ស័យរង្គោះរង្គើស្នេហ៍

បានផុស

២ years មុន

នៅ

ថ្ងៃអង្គារ ២៥ កក្កដា ២០២៣

ដោយ

តារាចម្រៀងស្រីលំដាប់កំពូលអ្នកនាង ពេជ្រ សោភា កាលពីថ្មីៗនេះ បានធ្វើឲ្យមហាជន ចាប់អារម្មណ៍ភ្ញាក់ផ្អើលជាថ្មី ខណៈសុខៗ ស្រាប់តែនាងបញ្ចេញខ្លឹមសារហាក់កំពុងជួបបញ្ហាវិបត្តិផ្លូវចិត្តដែលធ្វើឲ្យអ្នកគាំទ្រមួយចំនួនសង្ស័យលើការប្រេះឆាស្នេហ៍ជាមួយគូដណ្ដឹង គឺ លោក ឆឹម សក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត់សម្គាល់នៅលើបណ្ដាញសង្គមហ្វេសប៊ុករបស់អ្នកនាង ពេជ្រ សោភា បានបង្ហោះខ្លឹមសារជាបន្តបន្ទាប់ សម្ដែងការមិនសប្បាយចិត្តជាសាធារណៈ។ ផ្អែកតាមសំណេររបស់ ពេជ្រ សោភា បង្ហោះថ្មីៗមុននេះ បានលើកឡើងថា «បើមិនអាចទៅមុខជាមួយគ្នាបានទេ ប្ដូរឈ្មោះជាមិត្តភ័ក្ដិវិញទៅ ទោះយើងបែកគ្នា តែយើងអាចរាប់អានគ្នា យើងទាំងពីរប្រហែលមិនមែនជាគូនឹងគ្នាទេ មិត្តភ័ក្ដិល្អ បងប្រុសល្អ កុំចងគ្នាទាំងដែលយើងគ្មានពេលឲ្យគ្នា ចងចាំ»។

ជាមួយគ្នា នៃការបង្ហោះរបស់តារាចម្រៀង ពេជ្រ សោភា ខាងលើនេះ បានធ្វើឲ្យអ្នកគាំទ្រមួយចំនួនសួរនាំ និងបារម្ភសុខទុក្ខនាងគ្រប់គ្នា។ ក្នុងនោះ មានមតិខ្លះនិយាយថា «រង់ចាំ បើខ្ញុំទាយ គឺ បទចម្រៀងចេញថ្មី…»។ ឆ្លើយតបនឹងការលើកឡើងនេះ អ្នកនាង ពេជ្រ សោភា បញ្ជាក់ថា «រឿងជីវិតគូ ខ្ញុំមិនលេង…..»។

គួររម្លឹកថា ពិធីភ្ជាប់ពាក្យដោយបើកចំហ មានការចូលរួមដឹងឮពីចាស់ទុំទាំងសងខាង និងមិត្តភ័ក្ដិសិល្បៈរួមអាជីពរវាងគូស្នេហ៍អ្នកនាង ពេជ្រ សោភា និងលោក ឆឹម សក្កដា បានប្រព្រឹត្តធ្វើឡើងកាលពីថ្ងៃទី ១១ ខែវិច្ឆិកា ឆ្នាំ ២០២២ ខណៈមានអ្នកគាំទ្រជាច្រើនសម្ដែងការចូលរួមអបអរ និងជូនពរគ្រប់គ្នា៕

អត្ថបទ ៖ ចាន់រ៉ា