ជីវិតកម្សាន្ដ

ពេជ្រ ចរណៃ បំផុសយុវជនចូលរួមលើកស្ទួយសិល្បៈវប្បធម៌ខ្មែរ

បានផុស

២ years មុន

នៅ

ថ្ងៃអង្គារ ២៥ កក្កដា ២០២៣

ដោយ

អ្នកស្នេហាវិស័យភាពយន្ត និងគុនល្បុក្កតោខ្មែរ ពិតជាស្គាល់ច្បាស់តារាសម្ដែងស្រីរូបស្រស់ កញ្ញា ពេជ្រ ចរណៃ ដែលតែងតែបង្ហាញវត្តមានក្នុងតួអង្គវាយ ទាត់ ធាត់ តាមរយៈខ្សែភាពយន្តខ្មែរស្ទើរគ្រប់រឿង ពិសេសការចូលរួមលើកស្ទួយវិស័យល្បុក្កតោតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ពេជ្រ ចរណៃ កន្លងមក ត្រូវបានទស្សនិកជន និងអ្នកគាំទ្រ កត់សម្គាល់ឃើញថា នាងតែងបង្ហាញខ្លួនជាមួយកិច្ចការងារជួយសង្គមជាច្រើន ដោយកាលនោះ ចរណៃ បានរំលេចខ្លួនចុះជួយប្រជាពលរដ្ឋជួបការខ្វះខាត កុមារកំព្រា ចាស់ជរា ជាដើម។ ទង្វើនេះ ទទួលបានការសរសើរ និងលើកទឹកចិត្តច្រើន។

ប្រាកដណាស់ថ្មីៗកន្លងមកនេះ តារាសម្ដែង កញ្ញា ពេជ្រ ចរណៃ តែងបានចេញមុខបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា ៖ ការបង្ហាញក្បាច់គុនល្បុក្កតោ ,ល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម…។

កញ្ញា ពេជ្រ ចរណៃ បានបង្ហោះដោយរំលេចរូបភាពជាច្រើនបែបនេះថា «កុំសុខចិត្តស្លាប់ដោយមិនព្រមធ្វើអ្វីសោះ តែត្រូវស្លាប់ដោយបានបន្សល់អ្វីខ្លះៗ ដល់អ្នកក្រោយៗ។ ការសម្ដែងរបាំក្បាច់បុរាណក្នុងរឿងព្រះបាទជ័យវរ្ម័នទី ៧»។

តារាស្រីរូបនេះបន្ថែមថា «ពួកខ្ញុំជាអ្នកបង្ហាញ អ្នកគឺជាអ្នកចែករំលែករាល់ការបង្ហាញពីសិល្បករសិល្បការិនីទាំងអស់។ មិនតែប៉ុណ្ណោះ ចរណៃ បានលើកឡើងដែរថា «បើនាងខ្ញុំស្នើឲ្យអ្នកទាំងអស់គ្នាបង្ហោះរូបភាពស្លៀកពាក់សំលៀកបំពាក់បុរាណខ្មែរ តើបងប្អូនអាចចូលរួមជាមួយខ្ញុំទេ?»។