ជីវិតកម្សាន្ដ

Aum លេចមុខធ្វើខួបឲ្យតួឯកស្រីរឿង “ល្បិចបញ្ឆោតស្នេហ៍ “ យ៉ាងគគ្រឹកគគ្រេង

បានផុស

១ year មុន

នៅ

ថ្ងៃអង្គារ ២៥ កក្កដា ២០២៣

ដោយ

ក្រៅពីក្លាយជាតារាសិចស៊ី មានអ្នកគាំទ្រជាច្រើន ជីវិតក្រៅឆាករបស់ Aum Patcharapa ក៏មានក្រុមមិត្តជិតស្និទ្ធដែលស្គាល់គ្នាមកជាយូរ។ ជាពិសេសនោះគឺ Pooklook Fonthip ដែលនាងបានចាត់ទុកជាប្អូនស្រី ហើយថែមទាំងផ្ដល់ក្ដីស្រលាញ់និងភាពស្និទ្ធស្នាលជាច្រើនឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ Aum Patcharapa បានជួបជុំគ្នាជាថ្មីជាមួយក្រុមមិត្តភ័ក្តិរបស់នាងដែលរៀបគម្រោងដើម្បីអបអរខួបកំណើតកូនពៅជាទីស្រលាញ់ក្នុងក្រុម Pooklook Fonthip ខណៈតារាសម្ដែងរូបនេះបានបង្ហោះរូបភាពស្អាតៗជាច្រើនព្រមទាំងដាក់ចំណងជើងថា “ញ៉ាំអាហារជុំគ្នា ក្នុងថ្ងៃខួបកំណើតរបស់ប្អូនស្រីជាទីស្រឡាញ់របស់ខ្ញុំ ខ្ញុំស្រឡាញ់អ្នកខ្លាំងបំផុត”។

ត្បិតថាក្នុងពិធីមួយនេះធ្វើជាលក្ខណៈតូចតាចបែបឯកជនក្ដី ប៉ុន្តែវាបានបង្កប់នៅភាពកក់ក្តៅខ្លាំង ហើយសម្រស់របស់ Aum Patchrapa ក្នុងឈុតពណ៌ខ្មៅ គ្មានខ្សែដ៏សាមញ្ញ នៅតែស៊ិចស៊ីមិនចាញ់ម្ចាស់ខួប Pooklook ដោយនាងជ្រើសស្លៀករ៉ូបពណ៌ផ្កាឈូកភ្លឺរលោង ដូចបងស្រីរបស់នាងផងដែរ។

ទោះយ៉ាងណាក៏ដោយ តារាសម្ដែងស្ថិតក្នុងទ្រនំរួមគ្នាមួយគូនេះត្រូវបានទស្សនិកជនដឹងជាយូរមកហើយថា ពួកគេគឺជាបងប្អូនក្នុងវិស័យសិល្បៈដែលតែងបង្ហាញភាពស្និតស្នាល និងរូបភាពក្នុងដំណើរកម្សាន្តទាំងក្នុងនិងក្រៅប្រទេសផងដែរ។ លើសពីនេះ Aum តែងដើរតួនាទីជារៀមច្បងដ៏ល្អ អប់រំណែនាំនិងធ្វើជាគំរូដល់ Pooklook ដោយចិត្តស្មោះសរថែមទៀតផង៕