ជីវិតកម្សាន្ដ

Ice សន្លប់ចូលពេទ្យមិនបានប៉ុន្មាន មិត្តប្រុសត្រូវបាត់បង់ម្ដាយ និងឆេះខុនដូផ្ទួនៗគ្នា

បានផុស

២ years មុន

នៅ

ថ្ងៃអង្គារ ២៥ កក្កដា ២០២៣

ដោយ

បន្ទាប់ពីបញ្ចូនតារាសម្ដែង Ice Preechaya ទៅកាន់មន្ទីរពេទ្យមិនទាន់បានប៉ុន្មានផង Stefan Eisler ដែលជាមិត្តប្រុសរបស់នាងស្រាប់តែជួបរឿងដ៏សោកសៅដោយបាត់បង់ម្តាយជាទីស្រឡាញ់ភ្លាមៗ និងព្រមទាំងឆេះខុនដូប្រណិតនៅពាក់កណ្ដាលខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ឆេះខុនដូនេះ មិត្តប្រុស Ice Preechaya បានសរសេរសារត្អូញត្អែរពីជីវិតតាមរយៈ IG story ដោយបញ្ជាក់ថា “ឆ្នាំនេះគឺអាក្រក់ណាស់! បន្ទប់មួយទៀតត្រូវភ្លើងឆេះ។ សំណាងល្អ មានតែវត្ថុមួយចំនួនប៉ុណ្ណោះដែលរងការខូចខាតយ៉ាងធ្ងន់ធ្ងរ”។

យ៉ាងណាមិញ ក្នុងព្រឹត្តិការណ៍នេះ អ្នកគាំទ្រសូមផ្ញើការលើកទឹកចិត្តទាំង Stefan Eisler និង Ice Preechaya ផងដែរ ហើយសូមឲ្យពួកគេជួបរឿងល្អៗវិញ។ ក្នុងនោះមានទស្សនិកជនជាច្រើនបានបញ្ចេញមតិថា សូមឲ្យអ្នកទាំងពីរងាកមកផ្លូវជំនឿវិញ ដោយព្យាយាមលុបចោលសំណាងអាក្រក់មួយចំនួន ហើយមើលថាតើអ្វីៗបានប្រសើរឡើងឬអត់។

យ៉ាងណាក៏ដោយ ក្រោយជួបរឿងផ្ទួនៗគ្នាក្នុងឆ្នាំតែមួយ មហាជនជាច្រើនបានសម្ដែងក្ដីបារម្ភខ្លាំងចំពោះតារាសម្ដែង Ice Preechaya ដែលពេលនេះនាងទទួលថ្មបាក់ឥតស្រាក់ចូលមកក្នុងជីវិត។ ជាពិសេសរឿងរ៉ាវពាក់ព័ន្ធនឹងជីវិតដោយកាលណោះនាងត្រូវគេភ្ជាប់រឿងអ្នកគ្រប់គ្រងដែលស្លាប់ ក្រោយទិញថ្នាំពុល Cyanide ពីប្រភពតែមួយដូចជនសង្ស័យ។ បន្ទាប់ពីរឿងនេះបានស្ងប់ស្ងាត់មួយរយៈ នាងស្រាប់តែសន្លប់ចូលពេទ្យដោយមិនដឹងមូលហេតុ រហូតដល់ជីវិតមិត្តប្រុសនាងក៏ជួបរឿងនឹកស្មានមិនដល់ដូចគ្នា៕