ជីវិតកម្សាន្ដ

លោក គួច ខេវិន ប្រតិកម្មចំពោះទង្វើកញ្ញា An Na Rose ថាកំពុងបង្ខូចកិត្តិនាមតារាខ្មែរ

បានផុស

២ years មុន

នៅ

ថ្ងៃពុធ ២៦ កក្កដា ២០២៣

ដោយ

នៅក្នុងភាសាខ្មែរ ពាក្យថា តារា (តារាករ ឬតារានិករ) គឺគេសំដៅទៅលើផ្កាយដែលរះចិញ្ចែងចិញ្ចាចនៅលើមេឃា។ នៅក្នុងវិស័យសិល្បៈវប្បធម៌ខ្មែរយើង គេក៏បានផ្តល់ពាក្យថាតារានេះសំដៅទៅលើសិល្បករ សិល្បការិនីណា ដែលមានទេពកោសល្យ មានស្នាដៃឆ្នើម មានភាពល្បីល្បាញគ្មានអ្នកប្រៀប ប្រដូចបានទាំងលើការសម្តែង និងច្រៀងជាដើម។
គេពុំដែលហៅពពួកមនុស្សឆើតឆាយចាយឫក ចាយរាងហើយយកទូរស័ព្ទមកថតខ្លួនឯងសម្ញែងទាក់ប្រុស ទាញស្រី ដើម្បីបានការចាប់អារម្មណ៍ពីគេឯងដើម្បីផលតែផលប្រយោជន៍បុគ្គលនោះ ថាជាតារាឡើយ។

លោក គួច ខេវិន បានសម្តែងការមិនពេញចិត្តបែបនេះ ចំពោះកញ្ញា An Na Rose តាមរយៈសារមួយនៅលើបណ្តាញ ទំនាក់ទំនងហ្វេសប៊ុករបស់លោក ភ្ជាប់ជាមួយនឹងរូបភាពសិល្បករ-សិល្បការិនីជើងចាស់ប៉ុន្មានសន្លឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសារនេះ សាធារណជនប្រាកដជាបានជ្រាបហើយថា កាលពីពេលថ្មីៗនេះ កញ្ញា An Na Rose បានធ្វើឱ្យ សង្គមខ្មែរ ចាប់អារម្មណ៍សារជាថ្មីចំពោះខ្លួន បន្ទាប់ពីបានផុសរូបភាពខ្លួនឯង និងបុរសម្នាក់ ដែលកំពុងសម្រាកលក់មិន ដឹងខ្លួន ថាជាករណីដាក់ថ្នាំបៀតបៀនរាងកាយ និងបានបង្ហោះវីដេអូនិយាយពីបុរសម្នាក់នោះជាបន្តបន្ទាប់។

មុននេះ រៀមច្បងក្នុងវិស័យសិល្បៈ ដែលគេស្គាល់ថា លោក គួច ខេវិន ទើបបានចេញមកប្រតិកម្ម ពាក់ព័ន្ធនឹងករណី កញ្ញា An Na Rose ធ្ងន់ៗ ក្នុងន័យមិនពេញចិត្តចំពោះកញ្ញា ដែលតាំងខ្លួនជាតារា ធ្វើឱ្យខូចខាតដល់កិត្តិនាមតារាខ្មែរ ដែលពាក្យតារានេះ គឺប្រើតែចំពោះបុគ្គលមានទេពកោសល្យ មានសមត្ថភាព គួរជាទីគោរពស្រឡាញ់ប៉ុណ្ណោះ។

លោកថា “បច្ចុប្បន្នប្រភេទមនុស្សបែបនេះ ហាក់មានច្រើននៅក្នុងបណ្តាញទំនាក់ទំនងសង្គម youtube; facebook; tiktok online ជាដើម។ ក៏មានប្រភេទមនុស្សច្រើនគួរសមដែរ ដូចពួកប្រុសព្រាន ស្រីញៀននឹងភាពបង្អួតកេរ្តិ៍ម៉ែ តែងតែច្រឡំតាំងខ្លួនជាតារា និងយល់ច្រឡំចំពោះតារា ដែលនាំឱ្យអាប់អោនកិត្តិយស ខូចខាតតម្លៃនៃវប្បធ៌មសិល្បៈខ្មែរ យ៉ាងធ្ងន់ធ្ងរ ជាពិសេសធ្វើឱ្យប៉ះពាល់ចំពោះអ្នកសិល្បៈពិតប្រាកដនោះតែម្តង។”

លោកបន្តទៀតថា លោកចង់ឱ្យបុគ្គលដែលចូលចិត្តធ្វើរឿងមិនសមរម្យទាំងនោះ ឈប់ហៅខ្លួនឯងថាតារា និងប្រព្រឹត្តិ អំពើអសីលធម៌នាំឱ្យខូចពាក្យ “តារា” ក៏ដូចជាអាប់អោនទៅដល់តម្លៃនៃសិល្បៈវប្បធ៌មខ្មែរតទៅទៀត។

លោក គួច ខេវិន សំណូមពរថា “យើងជាកូនខ្មែរគ្រប់រូប មិនថាកំពុងរស់នៅលើមាតុភូមិកំណើត ឬនៅក្រៅប្រទេស គប្បីខំសិក្សារៀនសូត្រអក្សរសាស្ត្រជាតិឱ្យបានជ្រៅជ្រះ និយាយភាសាខ្មែរឱ្យបានច្បាស់ និងត្រឹមត្រូវ ទើបជាតិសាសន៍ ដទៃមិនប្រមាថមាក់ងាយ៕