ជីវិតកម្សាន្ដ

កាន់តែកៀកថ្ងៃមកសម្តែងនៅវៀតណាមលើកដំបូង Rosé ត្រូវអ្នកគាំទ្រអញ្ជើញឲ្យញ៉ាំហ្វឺ

បានផុស

១ year មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

នៅសល់តែប៉ុន្មានថ្ងៃទៀតទេ អ្នកគាំទ្រវៀតណាមនឹងជួប BLACKPINK ដោយផ្ទាល់ក្នុងរយៈពេល២យប់នៅទីក្រុង ហាណូយ។ ឥឡូវនេះ fandom របស់ក្រុមនេះបានចាប់ផ្តើមដំណើរការគម្រោងជាបន្តបន្ទាប់ដើម្បីស្វាគមន៍ idol ទៅកាន់ប្រទេសរបស់ខ្លួនជាលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណុចលេចធ្លោបំផុតក្នុងគម្រោងនេះ គឺនៅឯអគារធំៗមួយចំនួនក្នុងទីក្រុងហាណូយ រូបភាពរបស់ Rosé លេចចេញជាមួយការអញ្ជើញទៅញ៉ាំហ្វឺបានធ្វើឲ្យមនុស្សជាច្រើនមនាក្ដីរំភើបយ៉ាងខ្លាំង។ ហើយនេះក៏មិនមែនជារឿងថ្មីដែរ ពីព្រោះ Rosé ល្បីជាយូរមកហើយក្នុងនាមជាតារាស្រី Kpop ដែលស្រលាញ់គុយទាវវៀតណាម។ ជាច្រើនលើកច្រើនសារ តារាចម្រៀងស្រីរូបនេះ បង្ហាញក្តីស្រលាញ់ចំពោះមុខម្ហូបវៀតណាមជានិច្ច។

យ៉ាងណាមិញបន្ទាប់ពីបញ្ចប់កម្មវិធីនៅ Palau Sant Jordi ក្នុងទីក្រុង Barcelona ក្រុម BLACKPINK មានពេលសម្រាក ៣ ថ្ងៃ មុននឹងបន្តដំណើរការកម្មវិធី។ Rosé បានទៅលេងភោជនីយដ្ឋានវៀតណាមមួយឈ្មោះថា VietKitchen ក្នុងទីក្រុង Barcelona តារាចម្រៀងរូបនេះបានអមដំណើរបុគ្គលិក ហើយត្រូវបានអ្នកគាំទ្រជាច្រើនឃើញនាង។

យោងតាមអ្នកគាំទ្រ Rosé បានកុម្ម៉ង់ម្ហូបវៀតណាមធម្មតាជាច្រើនមុខដូចជា បិណ្ឌចែវ នំបញ្ចុក និងជាការពិតណាស់ ហ្វឺជាអាហារដែលមិនអាចខ្វះបាន។ រូបភាពនៃការងប់ងល់របស់នាងសម្លឹងមើលគុយទាវមួយចាន បានធ្វើឲ្យអ្នកគាំទ្រវៀតណាមមានមោទនភាពយ៉ាងខ្លាំង។

លើសពីនេះទៀត តារាចម្រៀងរូបនេះធ្លាប់បានចែករំលែកថា កូរ៉េ វៀតណាម និងថៃ ជាប្រទេស៣ដែលមានមុខម្ហូបដែលធ្វើឲ្យនាងចាប់អារម្មណ៍ជាងគេ។ មិនតែប៉ុណ្ណោះ នាងក៏បានធ្វើការ Live ផ្ទាល់ជាច្រើនដង សុំឲ្យអ្នកគាំទ្រណែនាំពីរបៀបបញ្ចេញពាក្យថា ហ្វឺ ដើម្បីឲ្យវាស្រដៀងនឹងជនជាតិដើម តាមដែលអាចធ្វើទៅបាន៕