ជីវិតកម្សាន្ដ

Aff Taksaorn ទម្លាយចរិតពិតបុរស ៣ នាក់ ដែលនាងធ្លាយចចាមអារ៉ាមស្នេហា

បានផុស

១ year មុន

នៅ

ថ្ងៃសុក្រ ២៨ កក្កដា ២០២៣

ដោយ

កន្លងមក Aff Taksaorn ធ្លាប់បានផ្តល់បទសម្ភាសន៍ពីបុរស៣នាក់ដែលមានព័ត៌មានទាក់ទងនឹងនាង ខណៈកាលណោះមហាជនអបអរសាទរ ហើយសង្ឃឹមថាក្នុងចំណោមនោះនឹងមានបុរសម្នាក់ឆក់បានបេះដូងអ្នកមេម៉ាយកូនមួយនេះយ៉ាងពិតប្រាកដមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ កាលពីពេលថ្មីៗនេះ Aff Taksaorn បានបង្ហាញខ្លួនក្នុងកម្មវិធី How Do You Do និងឆ្លើយសំណួររបស់តារាស្រី៣នាក់ ពីរឿងរ៉ាវជីវិតខ្លះៗរហូតឈានដល់គូស្នេហ៍និងបុរសដែលលេចឮថាកំពុងតាមចែចង់នាងថែមទៀត។

មិនបង្អង់យូរ តារាស្រីរូបនេះបានឆ្លើយផូងថា គូស្នេហ៍មិនមែនសំខាន់លើរូបស្អាតលើសគេខ្លាំងដែលនាងត្រូវការនោះទេ។បន្ទាប់ពីបែកបាក់គ្រួសារ Aff Taksaorn ថា អ្វីដែលសំខាន់បំផុតរបស់ គឺភាពស្មោះត្រង់ និងការគោរព។ ហើយនាង ក៏និយាយទៀតថា បើមានមនុស្សដែលដែលគួរស្រលាញ់ ប្រាកដជាសន្យាថានឹងស្រលាញ់ ផ្ដល់ភាពល្អដល់គ្នាមិនខាន។

ដោយឡែកសម្រាប់បុរស៣រូប ដែលកំពុងមានព័ត៌មានដែរនោះ អ្នកម្ដាយកូនមួយរូបនេះបានទម្លាយពីម្នាក់ៗថាសុទ្ធតែមានអត្តចរិតល្អនិងសមជាសុភាពបុរសពិតៗ។ ជាក់ស្ដែងចំពោះលោក Pita Limjaroenrat ជាមនុស្សដែលស្គាល់គ្នាយូរមកហើយតាំងពីវ័យជំទង់ មានអារម្មណ៍ល្អសម្រាប់គ្នាទៅវិញទៅមកតាំងពីណាណីមក មិនមែនដូចដែលពត៌មានបានលេចឮមកទេ។

សម្រាប់តារាប្រុស Thanapon Jarujitranon គាត់គួរឲ្យស្រលាញ់ ពួកយើងបានជួបគ្នាជាច្រើនឆ្នាំមកហើយ ដូចដែលគ្រប់គ្នាឃើញ គាត់ពិតជាគួរឲ្យស្រលាញ់ខ្លាំង ហើយពួកយើងអត់មានណាត់គ្នាក្រៅរង្វង់សិល្បៈ ឬអ្វីទាំងអស់។ ចំណែកអ្នកចុងក្រោយនេះ Chanon Santinatornkul ស្គាល់គ្នាពេលថតរឿងជាមួយគ្នាតាំងពីឆ្នាំមុន។ Chanon ជាមនុស្សម៉ឺងម៉ាត់ តាំងចិត្តនិងធ្វើការ។ ត្បិតថាគាត់ក្មេង តែស្រលាញ់ការងារ និងរៀមច្បងណាស់៕