ជីវិតកម្សាន្ដ

តារាថៃ ៤ រូប អ្នកគាំទ្រចង់ឃើញលើកញ្ចក់ទូរទស្សន៍ប៉ុស្តិ៍លេខ ៧ ច្រើនជាងគេ

បានផុស

២ years មុន

នៅ

ថ្ងៃពុធ ២ សីហា ២០២៣

ដោយ

ត្រលប់ទៅឆ្នាំ ២០២២ ប៉ុស្តិ៍លេខ ៧ ត្រូវប្រឈមមុខនឹងស្ថានការណ៍មិនតិចទេ ព្រោះតារាស្រីលំដាប់កំពូលជាច្រើនបានដើរចេញពីទ្រនំរួមគ្នាដោយសុំមិនបន្តកុងត្រា និងប្រែក្លាយជាតារាឯករាជ្យក្នុងវិស័យសិល្បៈជាច្រើន។

ប៉ុន្តែនៅតែមានរឿងគួរឲ្យសរសើរវិញ នៅពេលដែលតារាសម្ដែង Kwan Usamanee ត្រឡប់មកផ្ទះចាស់ដដែល ហើយចុះកុងត្រាឲ្យប៉ុស្ដិ៍លេខ៧ម្តងទៀត។ ដែលនោះបានធ្វើឲ្យមហាជនមានការភ្ញាក់ផ្អើលមិនតិចនាក់ទេ ដែលនាងសម្រេចចិត្តបែបនេះ។

ស្របពេលជាមួយគ្នានេះ ខាងក្រោមគឺជាតារាស្រីដែលសុទ្ធតែជាតួឯកសំណព្វទាំង ៤ ដែលអ្នកគាំទ្រចង់ឲ្យនាងត្រលប់មកសម្តែងក្នុងរឿងភាគរបស់ប៉ុស្តិ៍លេខ ៧ ម្តងទៀត។

១ Pancake Khemanit

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្ដើមប្រឡូកក្នុងវិស័យសិល្បៈពីកម្មវិធីប្រលងកំពូលតារាម៉ូដែលថៃឆ្នាំ ២០០៤ ហើយបន្ទាប់មកនាងមានរឿងភាគឲ្យទស្សនាជាបន្តបន្ទាប់។ លើសពីនេះទៅទៀត Pancake ក៏បានបង្កើតភាពយន្តភាគថៃចំនួន៤រឿងជាប់គ្នាក្នុងរយៈពេល១ឆ្នាំក្នុងប៉ុស្តិ៍លេខ ៧ផងដែរ ។

២ Min Peachya

ក្រោយចាកចេញពីប៉ុស្តិ៍លេខ៧ Min នៅតែបន្តការងារសម្តែង ដែលអាចមើលថាជាតារាឯករាជ្យមិនស្ថិតក្រោមទ្រនំរបស់ផលិតកម្មណាមួយឡើយ។ Min ជាតារាសម្ដែងមួយរូបដែលមានចំណងដៃជាមួយប៉ុស្ដិ៍លេខ៧ អស់រយៈពេល១០ឆ្នាំ ហើយឡើងជាតួឯកស្រីសំណព្វសម្រាប់ប្រជាជនថៃក្នុងប្រទេសចាប់ពីពេលនោះមក។

៣ Baifern Pimchanok

ធ្លាប់នៅប៉ុស្តិ៍លេខ៧ប្រហែល៧ឆ្នាំ មុនពេលនាងក្លាយជាតារាសម្ដែងឯករាជ្យ និងមានស្នាដៃទាំងភាពយន្ត/រឿងចេញមកឲ្យមហាជនបានមើលថាជាកំពូលតារាមួយដួងក្នុងវិស័យសិល្បៈរួចទៅហើយ។

៤ Mai Davika

ស្ថិតនៅក្នុងប៉ុស្តិ៍លេខ៧ អស់រយៈពេល៧ឆ្នាំ សព្វថ្ងៃ Mai អាចហៅបានថាមានសម្រស់ស្រស់ស្អាតក្នុងវិស័យសិល្បៈ។ ព្រោះការងារក្នុងស្រុកទាំងពីរត្រូវគេនិយាយថាពេញនិយម ប៉ុន្តែក៏មានការងារនៅបរទេស ដែលត្រូវបានធ្វើជាមួយម៉ាកយីហោពិភពលោកជាច្រើនផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ក្រោយព្យាបាលរបួសបេះដូងរយៈពេលយូរ ពេលនេះ Bella ប្រកាសបើកបេះដូងវិញ