ជីវិតកម្សាន្ដ

ព្រះនាងតូច នរោត្តម ជេនណា ផ្ដល់កិត្តិយសចូលរួមកម្មវិធី Miss Preteen Cambodia

បានផុស

១ year មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

អ្នកគាំទ្រកាន់តែរំភើបខ្លាំងចំពោះវត្តមាន ព្រះនាងតូច នរោត្តម ជេនណា ដែលទ្រង់នឹងផ្ដល់កិត្តិយសចូលរួមជាតារាកិត្តិយសនៅក្នុងវគ្គផ្ដាច់ព្រ័ត្រ Miss Preteen International Cambodia នាថ្ងៃទី ០៥ ខែសីហា ឆ្នាំ ២០២៣ ឆាប់ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះនាងតូច នរោត្តម ជេនណា អ្នកគាំទ្របានស្គាល់ និងដឹងជាក់ច្បាស់ចំពោះសមត្ថភាពទេពកោសល្យល្អរបស់ទ្រង់នៅក្នុងទម្រង់សិល្បៈ មិនថាសមត្ថភាពសម្ដែង ការច្រៀងទម្រង់សម័យ និងមរតកដើម ក៏ដូចជាការបញ្ចេញក្បាច់រាំ។ អ្នកគាំទ្រយល់ថា វត្តមានរបស់ព្រះនាងតូច នរោត្តម ជេនណា នៅថ្ងៃប្រឡងផ្ដាច់ព្រ័ត្រ Miss Preteen International Cambodia នឹងកាន់តែធ្វើឲ្យកម្មវិធីមួយនេះកក្រើកខ្លាំង។

មជ្ឈដ្ឋានអ្នកគាំទ្រ និងអ្នកសិល្បៈ បាននិយាយថា ជាមហាកិត្តិយសដ៏ធំក្រៃលែងដែលព្រះនាងតូច នរោត្តម ជេនណា បានផ្ដល់វត្តមានជាភ្ញៀវកិត្តិយស និងចូលរួមច្រៀងចម្រៀងនៅក្នុងកម្មវិធី Miss Preteen Cambodia នាថ្ងៃទី ០៥ ខែសីហា ដែលកម្មវិធីនេះធ្វើឡើងនៅផ្សាទំនើបអ៊ីអនម៉លមានជ័យ។

ព្រះនាងតូច នរោត្តម ជេនណា គឺជាសែស្រឡាយរាជវង្សដែលមានរូបសម្ផស្សស្រស់ស្អាតតាំងពីក្មេងវ័យ ពិសេសនោះមានទេពកោសល្យសិល្បៈគួរឲ្យស្ញប់ស្ញែង។ លើសពីនេះ ព្រះនាងតូច ក៏ឧស្សាហ៍បង្ហោះរូបថតគ្រងឈុតប្រពៃណីដ៏ស្រស់ស្អាត អមដោយសារជូនពរចំពោះជនរួមជាតិជាបន្តបន្ទាប់ផងដែរ៕

អត្ថបទ ៖ ចាន់រ៉ា