ជីវិតកម្សាន្ដ

Zhao Liying និង Feng Shaofeng អាចនឹងរៀបការម្ដងទៀត ក្រោយម្ដាយក្មេកផ្ដល់ផ្ទះវិឡា ជាថ្នូរវិលផ្សះផ្សាជាមួយកូនប្រុស

បានផុស

១ year មុន

នៅ

ថ្ងៃសុក្រ ៤ សីហា ២០២៣

ដោយ

ក្នុងចំណោមគូស្វាមីភរិយាលែងលះក្នុងប្រទេសចិន Zhao Liying និង Feng Shaofeng បានធ្វើឲ្យសាធារណជនសោកស្ដាយជាទីបំផុត។ ព្រោះថា គូស្នេហ៍នេះស្រលាញ់គ្នាខ្លាំងរហូតទទួលបានកូនប្រុសជាចំណងដៃថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ កាលពីពេលថ្មីៗនេះ បន្ទាប់ពីលែងលះគ្នាបាន ២ ឆ្នាំ អតីតគូស្វាមីភរិយារូបនេះ ស្រាប់តែជាប់ពាក់ព័ន្ធក្នុងសំណួរនៃការជួបជុំគ្នាឡើងវិញ។ ជាពិសេសក្រោយរូបភាពគូស្នេហ៍លេចមុខជាមួយកូនប្រុសពៅត្រូវបានអ្នកថតដោយសម្ងាត់។

មិនត្រឹមតែប៉ុណ្ណោះ គេហទំព័រ Sohu ក៏បានដកស្រង់ព័ត៌មានពីប្រព័ន្ធផ្សព្វផ្សាយហុងកុងដែលបង្ហាញថា ម្តាយរបស់ Feng Shaofeng កំពុងព្យាយាមផ្គាប់ចិត្តអតីតកូនប្រសារស្រី Zhao Liying។ យោងតាមប្រភពនេះ ចាប់តាំងពីការលែងលះពី Zhao Liying មកស្ថានភាពរបស់ Feng Shaofeng គឺអាក្រក់ណាស់។ កេរ្តិ៍ឈ្មោះមិនសូវល្អដូចពីមុនទេ ខណៈបញ្ហាផ្លូវចិត្តក៏រងផលប៉ះពាល់ច្រើនគួរសមផងដែរ។

ដូច្នេះហើយ ថ្វីត្បិតតែដំបូងឡើយ ម្តាយរបស់ Feng Shaofeng មិនពេញចិត្តនឹង Zhao Liying ប៉ុន្តែពេលនេះគាត់បែរព្យាយាមផ្គាប់ចិត្តនាង។ ប្រភពនេះបានបង្ហើបទៀតបថា ដើម្បីផ្គាប់ចិត្ត Zhao Liying ម្តាយរបស់ Feng Shaofeng បានឲ្យអតីតកូនប្រសារវីឡាតម្លៃ ១០០លានយន់(១៣,៩៣១ដុល្លារ)ជាអំណោយដើម្បីឲ្យនាងយល់ព្រមត្រលប់មករស់នៅជុំជាមួយកូនប្រុសរបស់គាត់វិញ។ ចំណែកវីឡានេះក៏ស្ថិតក្នុងឈ្មោះនាងតែម្នាក់ឯងដូចគ្នា។

ទោះជាយ៉ាងណាក៏ដោយ នេះគ្រាន់តែជាព័ត៌មានចចាមអារ៉ាមដែលបង្ហោះដោយអ្នកសរសេរប្លុកតែប៉ុណ្ណោះ មិនមានភស្តុតាងពិតប្រាកដទេ ហើយអ្នកខាងក្នុងក៏មិនបាននិយាយដែរ។ ជុំវិញការជួបគ្នារវាងអ្នកទាំងពីរនេះ មហាជនជាច្រើនគិតថានេះគឺដោយសារតែដំណកឈាមតែម្នាក់របស់ពួកគេទើបអតីតប្ដីប្រពន្ធនេះតែងតែងលេចវត្តមានបណ្ដើរគ្នាញឹកញាប់ប៉ុណ្ណោះ៕