ដោយសារបញ្ហាកើតផ្ទួនៗដូចគ្នា Ice ប្រាប់ថា នាងដកខ្លួនពីមិត្តប្រុស មិនមែនបែកគ្នាទេ

បន្ទាប់ពីលេចឮ​ពាក្យចចាមអារ៉ាម​បែកគ្នាជាមួយគូស្នេហ៍ ខណៈពេលដែលកំពុងមានបញ្ហាធំក្នុង​ជីវិតផ្ទួនៗគ្នាឥតឈប់ឈរ។​ នាពេលនេះ​តារាសម្ដែងស្រី Ice Preechaya បានប្រកាសជា​សាធារណៈ​ថា នាងពិតជាដកខ្លួនពីមិត្តប្រុសមួយរយៈពិតមែន តែមិនមែនបែកគ្នាទេ។

បន្ទាប់ពីស្ថានភាពរាងកាយនិងផ្លូវចិត្តកាន់តែប្រសើរឡើងបន្តិចម្តងៗ Ice Preechaya ទើបតែហ៊ានបញ្ចេញមុខតាមកម្មវីធីផ្សេងៗ និងត្រៀមខ្លួនដើម្បីបកស្រាយពី​​ស្ថានភាព​បញ្ហាបេះដូង​ដែលមានពត៌មានលេចឮថានាងបានបែកគ្នាជាមួយ​មិត្ត​ប្រុសលោក Stefan Isler ។

នៅក្នុង​បទសម្ភាសន៍​មួយនោះ នាងបាននិយាយថា ​ឥឡូវ​នាងផ្ដោត​សំខាន់​លើ​ការងារសិន។ ដូចគ្នា​នេះ​ដែរ ភាគី​ខាង​ប្រុស​ក៏​ធ្វើ​ការ​។ ហើយពួកគេសុទ្ធតែមានបញ្ហាផ្ទាល់ខ្លួន ទាំងបញ្ហាគ្រួសារក្នុង​ពេលតែមួយដូចគ្នា។ទើបធ្វើឲ្យអ្នកទាំងពីរសម្រេចចិត្តទាំងសងខាងដោយយល់ព្រមបែកគ្នាមួយរយៈសិន ទើបវិលត្រលប់មកវិញ គិតពីស្នេហា​ដែលនឹងបន្តទៅថ្ងៃមុខទៀត។

លើសពីនេះទៀតដែរ តារា​សម្ដែង Ice បាន​បញ្ជាក់​បន្ថែម​ទៀតថា​ ​ត្បិតថា​នៅឆ្ងាយពី​មិត្តប្រុស​ក៏ពិតមែន! ប៉ុន្តែ​អ្នកទាំងពីរ​នៅ​តែរក្សា​ទំនាក់ទំនងគ្នា​ទៅវិញទៅមក ប៉ុន្តែដោយសារស្ថានការណ៍​ផ្សេងៗបានចូលមកដល់ ពេលនេះគ្រប់គ្នាមិនអាចសន្និដ្ឋានថានាងនៅលីវឬបែកគ្នាទេ។ ពេលនេះគ្រាន់តែបែកគ្នា ត្រូវការពេលវេលាដើម្បីថែរក្សាបេះដូងតែ​ប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖Ice សន្លប់ចូលពេទ្យមិនបានប៉ុន្មាន មិត្តប្រុសត្រូវបាត់បង់ម្ដាយ និងឆេះខុនដូផ្ទួនៗគ្នា