ជីវិតកម្សាន្ដ

ខាត់ សុឃីម ចាត់ទុក”ផ្កាស្លា” មានតម្លៃបំផុតចំពោះមនុស្សស្រីគ្រប់រូប

បានផុស

២ years មុន

នៅ

ថ្ងៃសៅរ៍ ៥ សីហា ២០២៣

ដោយ

ជាការពិតណាស់សម្រាប់ទំនៀមទម្លាប់ខ្មែរពីបុរាណកាលមក “ផ្កាស្លា” ជាផ្កាដ៏មានសារៈសំខាន់ និងមានតម្លៃខ្លាំងបំផុតក្នុងការប្រារព្ធពិធីអាពាហ៍ពិពាហ៍ ហើយក៏ជាផ្កាដែលមនុស្សស្រីគ្រប់រូបប្រាថ្នាចង់បានគ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ងាកមកចាប់អារម្មណ៍តារាស្រីពហុជំនាញអ្នកនាង ខាត់ សុឃីម ក៏ថ្លែងប្រាប់ដោយបានចាត់ទុកដែរថា “ផ្កាស្លា” មានតម្លៃបំផុតចំពោះមនុស្សស្រីគ្រប់រូប ដែលពួកគាត់តែងប្រាថ្នាចង់បាន។ អ្នកនាង ខាត់ សុឃីម បានបញ្ជាក់ថា គ្មានក្លិន គ្មានពណ៌ស្រស់ស្អាត គ្មានតម្លៃ គ្មានអ្នកចាប់អារម្មណ៍ តែមានតម្លៃយ៉ាងជ្រាលជ្រៅសម្រាប់មនុស្សស្រីគ្រប់រូប(ផ្កាស្លា)។

រម្លឹកដល់រឿង “ផ្កាស្លា” នេះដែរ តារាពហុជំនាញ ខាត់ សុឃីម ក៏នឹកឃើញដល់អតីតកាលរបស់ខ្លួនជាមួយស្វាមី តាមរយៈការបញ្ចេញរូបភាពនៅក្នុងថ្ងៃមង្គលការប្រមាណ ៣ សន្លឹក ដោយភ្ជាប់ខ្លឹមសារដ៏មានអត្ថន័យថា «អរគុណ ប្ដីសម្លាញ់ ដែលផ្ដល់តម្លៃ»។ អ្នកនាង ខាត់ សុឃីម មកដល់ពេលនេះ កំពុងមានសុភមង្គលខ្លាំងណាស់ ខណៈនាង និងស្វាមី តែងបង្ហាញពីក្ដីស្រឡាញ់ និងភាពផ្អែមល្ហែមនៅក្នុងគ្រួសារ ដើម្បីឲ្យជីវិតគូកាន់តែមានន័យថែមមួយកម្រិតទៀត។

សូមបញ្ជាក់ថា “ផ្កាស្លា” គឺជាផ្កាមានពណ៌ពងមាន់ មានក្លិនក្រអូបប្រហើរតិចៗ ទោះបីមើលទៅមិនមែនជាផ្កាដែលមានសម្រស់ស្រស់ស្អាត ក្លិនក្រអូបឈ្ងុយឈ្ងប់ ប៉ុន្តែគឺជាផ្កាដ៏មានតម្លៃរបស់មនុស្សស្រីគ្រប់រូបក្នុងជីវិតរបស់ពួកគេ។ ប្រសិនជាគេជ្រើសរើសដៃគូជីវិត ត្រូវផ្កាស្លានោះកាន់តែវិសេសវិសាលថែមទៀត៕

អត្ថបទ ៖ ចាន់រ៉ា