ជីវិតកម្សាន្ដ

លោក Oliva Kong ទទួលបានពាន Best international designer award 2023 នៅវៀតណាម

បានផុស

២ years មុន

នៅ

ថ្ងៃចន្ទ ៧ សីហា ២០២៣

ដោយ

លោក ម៉ែន សីហា ហៅ Oliva Kong គឺជាអ្នកច្នៃម៉ូដដ៏ល្បីមួយរូបនៅកម្ពុជា។ លោក បានដឹកនាំ Model កុមារកម្ពុជា រួមទាំង Model ផ្សេងៗទៀត សរុប ២៦រូប ទៅបង្ហាញនៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Oliva Kong បានឱ្យដឹងថា លោកតំណាងឱ្យកម្ពុជា ត្រូវបានអ្នករៀបចំកម្មវិធី Fashion ប្រគល់ពានអ្នកឌីហ្សាញឆ្នើម Best International Designer ក្នុងចំណោមប្រទេសចំនួន ១១ផ្សេងទៀត ដោយក្នុងនោះ កម្ពុជា ទទួលបានពានពិសេសជាងគេ។

លោក ម៉ែន សីហា ហៅ Oliva Kong បានលើកឡើងដូច្នេះថា «ខ្ញុំបាទ ពិតជារំភើប សម្រាប់ជោគជ័យមួយនេះ ក្នុងនាមខ្ញុំបាទជា Designer កូនខ្មែរមួយរូប ដែលព្រហ៊ើនហ៊ាននាំ Model កុមារកម្ពុជា រួមទាំងModel ផ្សេងៗទៀតសរុប២៦រូប មកបង្ហាញនៅលើឆាកអន្តរជាតិ ដែលមានប្រទេសល្បីៗចូលរួមចំនួន១២ប្រទេស និងអ្នកDesigner ចំនួន22រូប»។

លោកបានបន្តដូច្នេះ«ជាលទ្ធផលពិតជាទទួលបាននូវមហាកិត្តិយស Best international designer award 2023 មួយនេះសម្រាប់ប្រទេសជាតិខ្ញុំ អរគុណកូនៗ និងប្អូនៗ Model ព្រមទាំងក្រុមការងារទាំងអស់ សម្រាប់ការរួមចំណែកជោគជ័យដ៏ត្រចះត្រចង់មួយនេះ»។

ជាមួយគ្នានេះ អ្នកច្នៃម៉ូដ Oliva Kong ក៏បានអរគុណអាណាព្យាបាលកុមារ Models ទាំងអស់ ដែលបានរួមចំណែកគាំទ្រ បេសកកម្មនេះ រហូតទទួលបានជោគជ័យ ជាទីមោទនៈ៕